Es sèpies, segontes un nau estudi scientific poirien èster animaus fòrça comunicatius maugrat tot çò que podem pensar. Un estudi que siguec publicat en la revista online internacionau NewScientist, demòstre tot çò que l’IA a fach entà sajar de poder comunicar-se damb mès d‘ua espècia animau.
Pr’amor qu’era IA permet poder analizar granas quantitats d’informacion e modèls de conducta de fòrça espècies animaus diferentes. A mès d’açò, ara i a cèrtes iniciatives en aguest camp com lo desafiament Coller Dollitle, un projècte que demanda ara comunautat scientifica internacionau crear un algoritme per poder comunicar-se damb organismes non umans. E balhan fòrça sòs per poder l’auer.
Un lengatge non deschifrat
Enquiara eth lengatge dera majoritat d’espècies animaus encara non ei estat deschifrat. Mès se pense qu’eth prumèr tipe de lengatge animau que serà deschifrat ei eth des balenes o encara es daufins.
Entaus cercaires era comunicacion umana son paraules e règles gramaticaus mès cèrts cercaires creden qu’era nòsta obsession pera nòsta forma de comunicar-se arrèste poder compréner es capacitats d’autes espècies. Un exèmple ei çò que passèc a dus cercaires, Cohen-Bodénès, dera Universitat de Washington e Peter Neri, der Institut Italian de Tecnologia a Gènoa, damb una sèpia.
Aguesti cercaires podèren deschifrar eth lengatge des pautes dera sèpia damb enquia 4 senhaus diferenti : en naut, en costat, rotlar e corona. A mès d’açò, e damb era ajuda d’un algoritme podèren descorbir que quan ua sèpia trape ua auta sèpia i a comunicacion damb bèth un d’aquesti senhaus. Tanben se i an vibracions en aigua.
A mès d’açò es cercaires dera planeta tota son ara a man d’estudiar es cants des rossinhòus, que pòden adaptar eth sòn cant entà imitar eth cant d’aun aute audèth dera sua espècia. Açò, ei un fenomèn que solament ei hèt pes umans. Es scientifics tanben vòlen saber se es daufins o encara es orangotans pòden comunicar-se sus eveniments passadi.
Totun, e maugrat qu’es cercaires tanben estudien aué eth possible lengatge d’autes espècies com es gossets, es gats, cèrtes espècies d’audèth o encara des elefants, era majoritat der espèr scientific demòre en descorbiment deth lengatge des balenes o es daufins pr’amor que son animaus fòrça, fòrça intelligents.
Era Redaccion
Fotografia principau: Kohane/CC
