Manjar de carn roja pòt provocar cèrts cambiaments dins la microfauna intestinala dels umans. Aquò es la conclusion d’un estudi realizat per de cercaires. E los cambiaments poirián èsser plan prigonds, e provocarián d’efièches longs sus la nòstra santat.
Uèi, i a mai de patologias inflamatòrias cronicas qu’abans. E los cercaires vòlon saber perqué es aital. Ara es arribat un estudi de l’ingestion de carn roja. La resulta del meteis es que ne manjar pòt cambiar fòrça lo sistèma digestiu. Aquò es una realitat als diches païses industrials. E ja i a cèrtas malautiás que son mai comunas, coma la malautiá de Crohn.
Segon los cercaires, la causa es genetica. Mas tanben i a d’autras causas. L’alimentacion tanben n’es una. A mai de cèrts factors environamentals. Un estudi publicat fa gaire demòstra que las personas que manjan de carn sovent riscan de patir una inflamacion intestinala. Se la carn es roja, lo risc ven màger, d’entre un 50% e un 130% de mai.
De cercaires chineses
Per ansin, un nòu estudi realizat per de cercaires chineses de l’Universitat de Pequin e publicat dins lo numeric Molecular Nutrition & Food Research, a coma resulta que manjar de carn roja provòca de grands problèmas a la microfauna intestinala de las mirguetas. La diversitat bacteriana tombèt, mas las inflamacions cresquèron.
Aquela inflamacion permet mai de permeabilitat intestinala e activa lo sistèma immunitari local. Lo colon aguèt alara de signes d’inflamacion grèva e aquò entraïnèt una mai granda circulacion de las cellulas immunitàrias perque lo còrs pensava que i aviá una ataca exteriora.
Los cercaires tanben espepissèron mai d’inflamacion al colon e constatèron que la mucosa digestiva s’aflaquissiá. Aquò explicariá la sensibilitat intestinala de cèrtas personas que manjan sovent de carn roja. En 2022, un autre estudi confirmèt una mortalitat superiora amb lo consum d’aquela mena de carn. Pr’amor dels additius. Segon mai d’un estudi scientific, manjar mai de 100 gramas de carn roja cada jorn pòt damatjar los intestins. E doncas ne cal pas consumar mai de dos còps per setmana.
Segon aquò, doncas, cal diversificar las fonts de proteïnas en tot manjar d’aliments non inflamatòris. Que pòscan ajudar las defensas naturalas de la microbiòta intestinala. Una alimentacion mai vegetala amb mens de produches industrials poiriá èsser positiva, car entraïnariá un cèrt equilibri bacterian dins los intestins e una melhora santat digestiva.
La Redaccion
Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.
Fotografia principala: Fajita Austin/CC
