MOSOSAURES D’AIGUA DOLÇA
Quand en 2022 los cercaires trobèron una dent amb 66 milions d’ans d’edat cap scientific auriá afirmat que tanben i avián mosasaures als flumes e rius dels continents. Mas aquela dent aperteniá a una mosasaure gigant. La tròba passèt a Hell Creek, a Dakòta del nòrd en una zòna fluviala qu’alara èra connectada amb la Gran Mar Occidental de l’Interior.
L’especimèn d’aquela dent èra un mosasaure Prognathodontini, un grop de reptils escantits que podia aténher fins a 12 mètres de longor. Pas gaire aprés un nòu estudi de l’Universitat d’Uppsala afirmèt que los mosasaures s’adaptèron tanben als environaments fluvials milions d’ans abans de lor escandiment final, çò que confirmariá la presència d’aquela dent en un flume american.
Segon los cercaires, aquel mosasaure aviá viscut e mòrt en aquel flume preïstoric malgrat qu’es la primièra dent d’un rèptil marin jamai trapada en l’interior del continent american. Los isotòps de la dent tanben confirmèron un environament d’aiga doça. Segon aquò aquel individú se noirisiá de predas que demoravan en aquel ecosistèma aqüatic.
Un ecosistèma fluvial
Posterioras analisis atanben confirmèron que l’environament foguèt d’aiga doça e pas d’aiga salada. Segon aquò la còla de cercaires que descobriguèt aquela dent los mosasaures d’aquela epòca s’aurián adaptat a aquel environament pr’amor qu’èran d’animals oportunistas. E ara demorariá demostrat que los mosasaures aurián migrat a travèrs d’aquel flume vèrs l’interior continental american abans de venir un flume d’aiga doça.
Malgrat tot, lo flume aviá pas sonque d’aiga doça. I auriá una aloclina amb una capa d’aiga doça e dessús d’aquesta una capa d’aiga salada mai pesuga. Las analisis istopicas o aurián aital demostrat. L’estudi tanben confirmèt que los animals amb de branquias avián de senhals isotopics que los ligavan a d’aiga salada. Pasmens, los animals qu’alendavan amb de paumons n’avián pas.
La Redaccion
Imatge principala: Sapiéncia/ChatGPT
