Clarmont-Ferrand, capitala istorica d’Auvèrnha es una vila amb un mescla estonanta d’istòria, la natura volcanica e la vida urbana modèrna. La vila a mai de 140. 000 abitants, e es la capitala del departament del Puèi de Doma e s’aficha coma un centre cultural e economic d’Occitània.
Clarmont-Ferrand es a la val del flume Alèir, al Massís Central. Lo sòl es plan particular per la siá origina volcanica e aquò fa de la vila un luòc pròche dels volcans coneguts coma la cadena de Puèi, uèi Patrimòni Mondial de l’UNESCO.
Clarmont-Ferrand se tròba a 358 mètres de nautor e a fòrça puègs volcanics al sieu torn. Lo meteis Puèi de Doma fa 1.465 m de nautor e es fòrça visitat per de caminaires e toristas a mai de cercaires. Lo flume Alèir crosa lo territòri e li balha de fertilitat e beutat (fervor en auvernhat).
Una vila medievala
Lo centre istoric es plen de carrièras estretas e plaças medievalas, mas los barris periferics son mai modèrnes. L’istòria de la vila es rica e divèrsa. S l’epòca antica foguèt coneguda amb lo nom de Augustonemetum, fondada pels auvernhats, una nacion cèlta.
Totun, pendent l’edat mejana desvolopèt las siás muralhas e bastiguèt Nòstra-Dòna de l’Assompcion, una catedrala bastida sus de lava volcanica negra. Al sègle XIXn foguèron bastits fòrça monuments publics. Al sègle XXn Michelin cambièt la vila en un centre economic celèbre pertot.
En mai d’aquò, Clarmont-Ferrand tanben es fòrça prèp de la natura. Lo Pargue Natural Regional dels Volcans d’Auvèrnhe es plen de forèsts de, pins e prats alpins e tanben d’espècias tan polidas lo cèrvol. S’i pòdon realizar de caminadas o de ciclisme de montanha, espepissar los volcans o encara sonque la natura. La vila tanben aufrís lo Pargue Montjuzet, un còr verd dins la meteissa vila que combina de carrièras e d’arbres, de rivas e de sendas per passejar.
Aital, se pòt pas parlar d’aquesta vila sens parlar del Festival Internacional del Cort Metratge, lo formatge o de trufas o encara de carrièras medievalas plenas de productes locals tipics.
Lo Pargue Natural Regional dels Volcans d’Auvèrnhe
Al còr del Massís Central, lo pargue es un joièl pels aimants de la natura. A mai de 3.000 km² de paisatge volcanic, forèsts e prats alpins e aufrís un grand equilibri entre la biodiversitat e lo patrimòni natural. Lo pargue es celèbre per la sieuna flòra, plan adaptada a un sòl volcanic. Lo paisatge es sovent ondulant, amb de forèsts de pins e fages mas tanben de prats alpins.
Justament als prats alpins i trobaram de flors unicas coma las gentianas, anemònas e orquidèas. Tanben cèrtas espècias d’aucèl de prat alpin uèi raras. Atanben i a cèrvis, sanglièrs, e pichonèls rossegaires, d’aucèls coma lo pic, lo chòt o lo milan reial, de cernalhas, de parpalhòls e d’abèlhas.
La tòca del pargue es empedir lo desvolopament urban e protegir aital la siá fauna e flòra. I a fòrça activitats per observar los aucèls e descobrir un paisatge volcanic unic al mond. E fins ara la proteccion de la natura del pargue capitèt plan a l’ora de subreviure a l’urbanizacion umana modèrna.
La redaccion
Fotografia principala: Bebatut/CC
