Peu prumèr còp cabussaires francés an fotografiat ua espècia iconica en aigües d’Indonesia. Qu’ei ua recerca que demorèc annadas e permetèc observar lo Celacant, un peish considerat coma escandilhat.
Lo Celacant es ua fòrma de resisténcia silenciosa en temps que rebremba ua responsa evolutiva singulara en un lòc qu’òm esperava pas de trapar. L’encontre passèc a 145 mètres de prigondor. En octobre de 2024, los cabussaires Alexis Chappuis e Julien Leblond amb tecnologia nòva e circuits barrats d’immersion, explorèron ua zòna dont la topografia complèxa rebrembava abitats coneguts deu Celacant.
E trobèron la siloeta tant esperada. Lo Celacant (Latimeria chalumnae) ei un peish dab lo còs espés, de color blu nueit, e dab plaps blancs, que sovent es dessús d’un ròc recobèrt d’esponjas e coralh. Los cabussaires lo vedèron pendent ua minuta e lo peish non mostrèc cap paura.
L’endedia, los cabussaires francés retrobèron lo medish especimèn a quauques mètres d’ailà, e açò permetèc identificar l’espècia. L’encontre non se debanèc pr’amor de la magia. Alexis Cappuis estudièc la cartografia sosmarina del lòc pendent doas annadas. Pr’amor que cercava airaus hreds e accidentats on poder trapar eth peish.
Los cabusssaires an hèt mei de cinquanta immersions entà localizar lo site. Que dempús viec secret entà lo protegir. Aquera aventura scientifica siguec contada ena revista Scientific Reports. Aciu los cabussaires an celebrat era prumèra observacion d’un Celacant viu a la província de Maluku.
Lo celacant e l’origina de la vita terrèstra
Lo Celacant siguec considerat pendent fòrça annadas coma desaparegut despuish milions d’annadas. Mes siguec trapat un aute còp en Africa deu Sud en 1938. Despuish, son estadas identificadas duas espècias; Latimeria chalumnae, que viu en ocean indian occidentau e Latimeria menadoensis, que viu en Indonesia.
Lo celacant es considerat peus scientifics coma un animau dab caracteristicas anatomicas unicas. Pr’amor que possedeish aletas carnudas articuladas qu’evòcan deus membres, un vestigi de paumon intèrn e un crani dab duas partidas mobilas. Açò hè un modèle preciós que permet compréner la transicion enter los peishs e los prumèrs vertebrats terrèstres.
L’especimèn indonesian observat que mesurava, haut o baish, 1,10 mètre, e non s’amagava pas dens ua espuga. Nadava a plaser a l’entorn d’un promontòri de ròcas. Aquera morfologia e comportament, shens aver cap paura, deisha entervéder un comportament mei flexible de çò qu’èra previst.
Los celacants viven en airaus pregonds, enter los 100 e los 400 mètres, on i a condicions extrèmas que dissuadeishen la màger part de las exploracions umanas. Mès açò non protegeish de las miaças. Pr’amor que i a tanben pollucion plastica, ua recenta montada de las temperaturas, brut sosmarin e tanben projèctes de torisme extrème que meten en perilh la lor subervita.
Entà l’union internacionau de la conservacion de la natura, l’espècia indonesiana ei vulnerabla. Ei una espècia plan lenta e açò hè deu Celacant ua espècia plan vulnerabla. Non es madur sexuament enquias 55 ans de vita e la gestacion dura, haut o baish, cinc annadas. Mès que tanben pòt viure mei de cent ans.
Trapar lo celacant enas Molucas ne pròva pas enqüèra l’existéncia d’ua populacion establida, solament la suggereish. I a mantua zòna marina pregonda enter las islas de Sulawesi e de Papoa occidentau encara inexplorada. Segon l’observacion i a abitats adaptats ad aguesta espècia que poirén aubergar cèrts individús de Celacant. Pr’açò ei plan important preservar aqueras zònas de l’umanitat. Los cabussaires francés esperan ara poder mirar mai d’estudis non envasius d’aquesta espècia de peish preïstoric entà collectar mès dadas geneticas en mièi naturau.
E açò tanben permeteré compréner melher la reparticion, diversitat e movements deus Celacants d’Indonesia. E tanben se poiràn prepausar navas mesuras de proteccion entà un peish unic a la Tèrra.
La Redaccion
Fotografia principau: Citron /CC-BY-SA-3.0
