L’OSTAL ROBOTIZAT (2030-2040)
Se pensam encara uèi a de robòts per l’ostal, cal remembrar qu’i avèm fòrça pensat aquestes darrièrs decennis. E, de còps que i a, encara sembla una causa de sciéncia-ficcion. Malgrat aquò, la robotica avançada, l’intelligéncia artificiala multimodala e la 3D actuala an cambiat lo decòr e plaçan aquela escasença tecnologica a un tèrme mejan e cort plan realista.
Uèi, cal plan mesurar cossí poder aver de robòts mai intelligents mas tanben cal saber que sèm a un moment transicional vèrs de robòts de l’ostal mai generalistas fins a poder arribar als robòts umanoïdes. Que se pòt passat durant los 13 ans venents? Quina poiriá èsser la situacion en l’an 2040? Per plan comprene quina es la situacion en 2026, cal tanben comprene çò que ja existís.
Car uèi ja existís d’aspiradors autonòms avançats, de robòts de jardin, de sistèmas de seguretat mobils e mai de prototipes de robòts umanoïdes de las capacitats limitadas. Totes an una caracteristica comuna: pòdon plan foncionar dins d’environaments estructurats e efectuar de trabalhs complèxes e divèrses.
La tòca a tèrme cort es de poder comprene de contèxtes cambiants, de poder utilizar d’objèctes nòus, de planificar de sequéncias longas e de melhor interagir amb los umans. Quand arribarem en 2030, i aurà pas encara de robòts umanoïdes totals, mas puslèu una domotica robotica fòrça mai avançada e especializada. E, se los ostals poiràn aver entre 3 e 7 robòts desparièrs, aquestes seràn pas encara umanoïdes.
En 2030, los robòts poiràn far lo netejatge d’un biais gaireben automatizat. Tanben poiràn aspirar e lavar lo sòl, las fenèstras, aprestar de recèptas de cosina basicas, còire los ingredients e contrarotlar los electrodomestics d’un biais intelligent. Totun, encara, serà de besonh lo contraròtle final uman. En un decenni, la tòca serà de poder tanben cargar de bugadièras, de remembrar lors medicaments als malauts, d’ajudar a la mobilitat e de saber ajudar a far las crompas automaticament.
Una data futura mas pas tan luenchenca
Lo còst d’un robòt encara serà naut en 2030, mas vèrs l’an 2040 la tòca es d’aver un ecosistèma familhal totalament autonòm, amb una intelligéncia artificiala fòrça mai avançada, una melhora manipulacion fisica de part dels robòts, e una integracion a l’ostal completa. Lo sistèma familhal demorarà totalament autonòm. Lo netejatge robotic serà integral, los robòts poiràn far de reparacions basicas en se coordenant eficaçament mb d’autres robòts. Tanben seràn plan utils per susvelhar la santat umana, diagnosticar de malautiás e o comunicar als servicis medicals. E lo reciclatge serà menat per de robòts a l’ostal.
Los robòts poirián ja èsser umanoïdes en 2040. E fòrça d’eles seràn de robòts especializats. E las decisions seràn plan autonòmas, sens contraròtle uman. Mas lo grand cambiament serà, segon los expèrts, un ostal que serà mai un sistèma que trabalha pels umans e pas sonque un luòc ont abitar.
Per ansin, entre ara e 2040, se poiriá passar d’una automatizacion parciala a una autra mai avançada, ont l’ostal serà plan mai qu’un luòc amb un ensemble de robòts mas una plataforma intelligenta qu’ajude los umans per la vida vidanta. E aquò serà un fach revolucionàri a respècte de la situacion actuala. Serà un grand cambiament tecnologic e social que ja es arribat e que cambiarà nòstras vidas malgrat lo dobte actual e la pauca fe en la robotica.
La redaccion
Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.
Imatge principala: Sapiéncia/ChatGPT
