D’AIGA, DE L’AIRE
Es possible aver d’aiga sonque amb de lutz solara ? Una còla scientifica d’Stanford poguét demostrar qu’aquò es possible, çò qu’entraïnariá una vertadièra revolucion solara als luòcs mai luenhans de la planeta (e que patisson totjorn una secada). La descoberta pòt doncas revolucionar la lucha contra las secadas. Parlam d’un gèl miraculós que poiriá cambiar per totjorn la vida vidanta de milions d’umans a la planeta.
Pr’amor que çò qu’an creat los cercaires d’Stanford es un gèl (idrogèl) que pòt chucar l’umitat de l’aire, tanben aquel qu’es plan sec. Aprés cambiará aquel aire en d’aiga e lo procés es realizat sonque amb de lutz solara. Se la descoberta pòt realament venir universala, las regions amb de secada e qu’an pas jamai d’aiga poirián cambiar e plan lors ressòrças idricas convencionalas.
Car l’atmosfèra a sonque un pauc d’umitat. Mas cossí poder la profechar foguèt totjorn un problema pels scientifics. Ara, una còla scientifica creèt un gèl que sonque fonciona amb d’energia solara, que chuca lo vapor d’aire quand aqueste es fred e qu’aprés daissa d’aiga quand lo solei caufa mai.
Com una esponga quimia
Lo gèl, es com una esponga quimia. I a de sals especialas que chucan las molleculas d’aiga que i a en l’aire. Quand i a mai temperatura, lo gèl libera aquestas molleculas. Mas en forma de vapor. Puèi aqueste es recolhit en forma liquida.
La tòca es pas autra qu’aver d’aiga blossa per beure. Aver aquò doncas implica pas cap ret electrica nimai cap infraestructura malaisida. En un mond ont i a de mens en mens aiga dolça, segon los expèrts, explorar de fònts alternativas es urgent.
Fins ara ja i aviá una entrepresa francesa que creava d’aiga de l’aire mas èra pas possible o far mai de divèrses jorns o setmanas. La nòva version del gèl pòt doncas superar mai d’un cicle de liberacion d’aiga. O an fach en tot protegir los supòrts metallics de la corrosion e doncas lo material ara pòt demorar plusors meses. E aquò ja comença a èsser essencial en un mond real que cada còp vòl e a de besonh mai e mai d’aiga.
Serà pas util en de grandas vilas, mas en de regions luenhas sens d’aiga sosterranha poiriá èsser una bèla solucion. Las regions deserticas, coma las del Mediterranèu, Austràlia o Califòrnia poirián èsser idealas per usar aquesta descobèrta. L’espèr de poder beure plan cada jorn a tota la planeta doncas es un espèr que poiriá èsser real lèu lèu. E sonque amb d’energia solara.
La Redaccion
Imatge principala: Sapiéncia/ChatGPT
