Se parlam deu mamifèr mei rapide de la planeta dilhèu nosautes tots que seram d’acòrd qu’ei lo guepard. E se demandam on demora aqueth felin, la majoritat que dirà qu’ei Africa, vertat ? Donc la responsa seré pas totaument dreta pr’amor qu’adara e despuish l’annada 2022, lo guepard tanben a un nau òstal; Índia.
E quau ei la situacion donc d’aquera espècia en Índia ? Los guepards que son estats tostemps un predator tradicionau en Índia, maugrat tot çò que podem pensar. L’espècia patiguec l’extincion sobta en país dab mei populacion de la planeta hè solament haut o baish 70 annadas. E, pr’amor d’açò, lo govern nacionalista indian que comencè de crompar guepards a Africa deu Sud. La chifa finau qu’arribet au continent indian entà ensajar de reintroduïre aquera beròja espècia que son 20 especimèns .
Lo moment, actuaument, qu’ei plan complèxe, e que’s poiré arribar a díser que tanben delicat. Pr’amor que la setmana darrèra estó conegut que’s morí lo segond guepard e donc solament ne demorarén 18 uei. Lo prètzhèt que’s debanè au Parc Nacionau de Kuno, en Índia e qu’estó lo segond guepard que’s morí en mensh de quate setmanas en Índia.
Divèrs animaus mòrts
Divèrs agents forestals d’aqueth parc, situat dens l’estat indian de Madhya Pradesh, que confirmèn que lo predator mort èra un mascle de seis annadas de vita, mes qu’enqüèra podèvan pas confirmar las causas de la mort deu guepard. Quin que sia, l’animau que formava part deu darrèr grop de 12 guepards qu’arribèn a Índia lo darrèr mes de heurèr.
Enqüèra lo 27 de març darrèr ua femelha de guepard que’s morí tanben. La causa oficiau de la mort qu’estó ua malaudia naturau. Tota Índia que demorè inquièta quan se coneishó la mort d’aquera femelha e adara que son mei inquièts enqüèra pr’amor de la mort deu segond predator terrèstre mei rapide de la planeta.
Los prumèrs guepards enviats a Índia qu’avón com origina Namibia. Qu’estón cinc mascles e 3 femelhas, qu’arribèn a mei d’ua annada a. La lor arribada qu’estó vista a la television entà milions d’indians e celebrada com se lo monde èra dejà adobat.
Puish arribèn 12 guepards sud-africans mei que demorèn divèrs mes dens un territòri especiau entà los protegir e los ajudar a tolerar mélher lo navèth climat indian. Fin finau, qu’estón liberats dens lo parc nacionau indian de Kuno. Dempuèi alavetz ua equipa de cercaires segueish dia e net los guepards dab cameras.
Lo guepard qu’estó lo prumèr gran mamifèr indian que patí l’extincion totau despuish l’independéncia politica l’an 1947. La fauta de presas, dont lèbes e gazellas, e los braconaires, qu’estón mei ràpids enqüèra que lo medish guepard. A mès d’aquò, pendent l’epòca qu’Índia estó colonia anglesa, los britanics que tuèn detzenats de guepards pr’amor que desián qu’atacava lo neurissatge.
Quan arribèn los prumèrs guepards divèrs cercaires qu’avertín que dilhèu i avèva pas pro prèdas entà los neurir e que podèvan tanben patir l’ataca d’autes predators grans com lo leopard, tanben en situacion critica dens aqueth país. Lo moment qu’ei enqüèra dificile e totun çò qui’s pòt díser de faiçon oficiau ei que lo guepard ne viu pas enqüèra en Índia. Qu’ei ua tasca que solament poirà estar dita aprés 10 o 15 annadas. Alavetz, la frasa lo guepard qu’ei un predator african e indian que serà ua grana vertat. L’espèr de poder véder aquò tanben qu’ei gran.
La Redaccion
