ES TRAPAT UN NÒU DINOSAURE AMB DE PLUMAS
Una còla de paleontològs descobriguèt aqueste estiu a Brasil una nòva espècia de dinosaure apertenent a la familha dels dromeosaurides amb de plumas que visquèt pendent lo Cretacèu. La nòva espècia auriá demorat al continent american fa entre 72 e 66 milions d’ans, çò es gaireben abans de l’extincion dels dinosaures. Lo nom de la nòva espècia es Ypupiara lopai.
Segon los cercaires que lo trobèron Ypupiara foguèt, pasmens un dinosaure que visquèt sus tots los continents pr’amor que la familha dels dromeosaurides demorèt pertot e doncas cal esperar que Ypupiara tanben. La caracteristica principala de la familha de dinosaures dromeosaurides son las siás dents , plan tipicas. Aital foguèt confirmat per Arthur brum, de l’Universitat federala de Rio de Janeiro.
“Pasmens, çò diguèt Brum, sonque son estats trapats los crans de dos tipes de dinosaures apertenents a aquesta familha, Buitreraptor gonzalezorum e Austroraptor cabazai e pr’açò e la manca de dents podèm estudiar pas d’un biais pus prigond aquel tipe de dinosaures. Lo grop de dinosaures de la familha d’Yppupiara sonque foguèt trapat en Brasil pendent aquela soleta epòca”.
Una familha de dinosaures amb de plumas
De soslinhar que l’especimèn fossil trapat d’Ypupiara lopai foguèt trobat prèp de Peiropolis, un districte de la vila d’Uberaba, a l’estat de Minas gerais. Segon los cercaires la tròba d’Ypupiara representa la primièra evidéncia d’aquela familha de dinosaures a Brasil.
Justament l’individú fossil que trapèron los paleontològs de Brasil es format per una maissa superiora e qualqu’unas dents de la maissa inferiora.“Es estonant descobrir cossí evoluionèron los dromeosaurides en Gondwana, çò apondèron los scientifics. A mai, la preséncia de plumas dubrirà, de segur, una nòva discussion sus se aquela familha de dinosaures entièra aguèt de plumas o pas pr’amor de la descobèrt d’Ypupiara.”L’estudi foguèt publicat al numeric Papers in Palaeontology.
La Redaccion
