Los cercaires creson que lo glaç de groenlàndia seriá plan pròche al ponch de fusion de non-retorn. Pr’amor que las emission de CO2 e de mai en mai pollucion l’atmosfèra terrèstra es de mai en mai cauda e aquò entraïna de conseqüéncias plan negativas pel glaç d’aquela region e que poirián venir una vertadièra catastròfa climatica. Segon un nòu estudi se lo glaç arriba a aquel ponch lo nivèl de la mar a la planeta tota poiriá montar mai de 7 mètres.
Lo glaç groenlandés s’espandís al long de mai d’1.7 millions de km2 e la siá fonda es, uèi, un dels màgers factors d’un nivèl marin pus naut. Sonque entre 2003 e 2016 auriá perdut de massa aun ritme d’aperaquí 255 gigatònas de biais annadièr. Aquò auriá coma causa baisica l’emission de dioxid de carbòni per part dels umans. Se lo glaç groenlandés arriba al ponch de fusion de non-retorn, çò avisan los cercaires, lo nivèl de la mar creisserà pus de 7 mètres, çò que seriá una òrra catastròfa a nivèl mondial.
Pasmens, los cercaires pòdon encara confirmar lo ritme de fusion del meteis pr’amor que i a mai factors en jòc coma la temperatura de l’aire e de l’aiga a mai de dels corrents marins, e la pluèja.
Un fenomèn complèx
Es aquò çò qu’arrèsta los cercaire a l’ora de poder confirmar quora passarà aquò. D’autres estudis anterios confirmèron qu’aqueste fenomèn poiriá se debanar plan se la tempratura globala aumentava entre 1ºC e 3ºC. L’estudi foguèt realizat per una còla de cercaires de l’Institut pel Clima de Postdam, en Alemanha, e l’estudi aguèt un nòu modèl climatic a l’ora d’analizar los diferents factors que podián aquò provocar.
Per ansin, los cercaires analizèron cossí èra estat cambiat lo clima los darrièrs 20.000 ans e puèi assagèron de predire qué podiá passar se i avián d’emissions de dioxid de carbòni d’entre 0 e 4.000 gigatònas. La conclusion de l’estudi es que sonque èra de beson l’emission de fins a 1.000 gigatònas de CO2 per començar la fonda de glaç groenlandés, mai que mai al sud de Groenlàndia. Puèi, analizèron çò que podiá passar amb aumens 2.500 gigatònas de CO2. Sonque aquela chifra podiá ja provocar la fonda de tot lo glaç groenlandés: lo glaç ven mai e mai bas e pr’açò patís una màger temperatura que provòca mai de fonda encara.
“La temperatura globala sonque pòt provocar aquò se lo cambiament se debana al long de sègles e sègles. Un aument de la temperatura de fins a 2ºC de biais temporal pòt pas entraïnar aquela resulta, çò diguèt Hans Höning, lo cercaire que dirigiguèt aquel estudi. Totun, un còp que lo glaç crosèt lo ponch de fusion de non-retorn la fonda finirà pas jamai encara que lo nivèl de dioxid de carbòni arribèsse tornamai a de nivèls d’abans de l’epòca industriala. Pr’amor que lo glaç tornarà jamai a venir mai prigond”.
“Podèm pas contunhar amb aquel nivèl d’emissions de CO2, çò apondèt Höning pr’amor que lo risc es plan naut. La fonda del glaç arribarà pas pendent la pròplèu decada mas arribarà un moment pas luenhan que i aurà pas pus de solucion scientifica per aquel fenomèn”. L’estudi foguèt publicat al numeric Geophysical Research Letters.
La Redaccion
