URANUS POIRIE ÈSTER FÒRÇA MÈS CAUD

Segontes dus nàus estudis Uranus libere apuprètz un 15% mès d’energia que non arrecep deth Solei. Es estudis confirmen qu’Uranus ei fòrça diferent  de totes es autes planetes deth Sistèma Solar: Vire de costat, çò que vò díder que cada pòl recep eth Solei durant un estiu contunh de 42 annades.

Uranus tanben vire ena direcccion oposada a la de totes es planetes a excepcion de Vènus. Ess imatges dera sonda Voyager 2 de 1986 hègen a pensar qu’ère ua planeta fòrça heireda. “Des dera Voyager 2, toti didien qu’Uranus non auie calor intèrna, çò didec Amy Simon, dera NASA”.

“Non se sabie ce perqué quan se comparava aquera planeta damb es autes. Non i auien pro donades e açò ère part deth problèma, çò didec Simon”. Dempús, era còla de Simons analizèc centenars de donades e siguec descorbic qu’Uranus tanben generaue calor.

Planetes caudes

Saturne, Jupitèr e Neptun dan mès calor que non receben, e açò sonque pòt voler díder qu’era calor a coma hònt er interior dera planeta. Aguesta calor poirie manifestar era edat dera planeta; mens calor mès vielha ei era planeta. Açò non ère guaire ben comprenut pes scientifics. “Poirie non auer calor intèrna a Uranus ? , çò demandèc Patrick Irwin, dera Universitat d’Oxford. Era vertat ei qu’Uranus ei ua planeta fòrça mès reflexiua que non auiem pensat”.

Eth nau estudi analizèc d’informacions com es nívols e es sasons entà véder com arribaue era calor a Uranus e com ne gessie. E siguec alavètz qu’es cercaires descorbiren qu’Uranus da enquia un 15% mès de calor que non arrecep deth Solei.

Atau, es estudis confirmen qu’Uranus a era sua pròpria calor maugrat que fòrça mens que son vesin Neptun, pr’amor qu’aguesta emet mès deth doble d’energia que non arrecep. Ara çò que vòlen hèr es scientifics ei mesurar aquera calor. Er article sigueren publicadi pera NASA.

Era Redaccion