Ua còla internacionau de scientifics confirmèc que mès de 410 espècies animaus (audèths, peishi, anfibians e mamifèrs) pòden tanben patir era pandèmia dera COVID-19. Açò ei pr’amor que tanben an ACE o receptors cellulars dera malautiá.
Es scientifics utilizèren enquia 25 seqüéncies d’aminoacids d’ACE2 dera proteïna ACE2 entà estudiar qué se debanava quan trapauen proteïnes deth SARS-CoV-2. E era resulta siguec que toti es animaus qu’an aqueres proteïnes (410 espècies de vertebrats) tanben an eth risc de patir era pandèmia umana.
A mès, prèp deth 40% d’aqueres espècies son fòrça menaçades segontes era Union Internacionau entara Conservacion dera Natura. Er estudi siguec publicat ena revista scientifica online Proceedings of the National Academy of Sciences.
“Es donades confirmen quines son es espècies animaus dera planeta que son mès en perilh ara ora de patir ua infeccion pr’amor deth SARS-CoV-2, çò diguec Harry Lein, ecològ que participèc en aqueth estudi.” Quauqu’ues d’aqueres espècies son aué en ua situacion fòrça critica, com eth gorilla occidentau de seuva er orangotan de Sumatra o encara eth gibon. D’autes espècies animaus que tanben pòden patir aquera malautiá son es balenes, es dalfins a mès de gossets, gats o oelhes. E pr’amor d’açò demanden ara mès proteccion entara aqueres espècies animaus.
Era Redaccion
Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita
