Lo comèrci illegau d’espècias enter continents qu’ei, uei, hòrt mei grèu que hè solament qualcunas decadas endarrèr. Qu’ei grèu pr’amor qu’ei ua vertadèra miaça entaus animaus e plantas d’en prumèr. Pr’amor qu’ajuda a l’invasion d’espècias exoticas que puish dèvon estar destrusidas après, e tanben pr’amor que las autoritats internacionaus saben pas dejà com lutar pr’amor dels cada còp mei sovent esconeders usats peus comerçants illegaus d’espècias protegidas.
Atau, ne hè pas guaire qu’estó conegut que los comerçants illegaus adara usan de mei en mei d’esconeders que son plan mauaisits de trobar aus aeropòrts. Los darrèrs cas que confirman que i avèva sèrps e gripauds amagats dens daubuas plantas enviadas a Euròpa. E pas solament gripauds mes tanben lausèrts, sèrps, aranhas e autas espècias d’insèctes plan perilhosas que son estadas trobadas dens flors o autes tipes de plantas exoticas que quiò pòden entrar en Euròpa de manèra llegala.
Entaus cercaires, se los animaus exotics en dangèr crotzan la frontèra shens estar trobats per las autoritats, aprés que son ua grèva miaça entà la natura continentau. Los cas mei escandalós mei recents qu’estón ua graulha arboricòla trobada en ròsas dens ua botiga de flors a Sheffield, au Reiaume Unit, o enqüèra mantua sèrp descobèrta en olivèrs enviats a Euròpa.
Atau, los comerçants illegaus adara usan aquera tecnica d’amagar animaus en plantas entà crotzar la frontèra. E aquò pòt perjudicar e plan l’agricultura e la natura deu páis receptor. La tecnica qu’estó confirmada despuish l’Universitat de Cambridge. E tanben confirman que lo hèit se debana de mei en mei sovent. Pr’açò tanben demandan processes regulars e legaus definitius entà reagir.
Comèrci illegau d’espècias en dangièr d’extincion
“Las sèrps e los lausèrts que son solament ua part petita deu comèrci illegau d’espècias en dangèr d’extincion, dit William Sutherland, de l’Universitat de Cambridge. E qu’ei tota ua escaduda. Nosauts, amassa dab las autoritats, solament podem descobrir qualcunas sèrps o insèctes o enqüèra campairòus. Alavetz se cau demandar perqué adara i a de mei en mei ua creishença deu comèrci illegau d’animaus en Euròpa. La responsa qu’ei que lo mercat de flors e plantas qu’ei mei gran adara e que’s difusa geograficament despuish Africa de l’Èst e enquia America meridionau.
A Sheffield, per exemple, qu’estó aperat un expèrt en reptiles pr’amor qu’estó trobada ua graulha dins de flors. Lo cercaire que demorè estonat quan descobrí qu’èra ua graulha arboricòla dens de ròsas enviadas despuish Colòmbia e Eqüator. Tanben que son trobats tota sòrta de lausèrts e insèctes de faiçon quotidiana.
Pr’amor deu nombre d’animaus trobats ne hè pas guaire en plantas e flors en Euròpa, los scientifics que causín o estudiar. L’estudi qu’estó publicat au numeric Bioscience e que mòstra com lo nombre d’animaus en dangèr d’extincion o espècias exoticas qu’estón trobats de mei en mei enter los ans 2017 e uei en País Baish e lo Reiaume Unit. E pr’açò tanben demandan com reagir de la fòrma mei rapida quan aqueth tipe d’animaus son trobats dejà dens Euròpa se volem lutar contra la grèu miaça que representan entà l’environament europèu.
La Redaccion
Fografia principau: Robert Thorley/Getty Images.
Aquesta cronica suu Ràdio País : https://soundcloud.com/radio-pais/natura-assassins-de-cans?in=radio-pais/sets/natura
