La primièra cellula artificiala que se duplica plan
La sciéncia creèt d’un biais revolucionari çò que pò èsser un saut gigantàs en biologia: foguèt creada la primièra cellula artificiala que pòt se replicar a se meteissa coma se foguèsse una cellula viva. La cellula es pas viva, mas un organisme sintetic unicellular qu’agís coma se foguèsse una cellula amb de vida, un prètzfach jamai debanat fins ara.
Per aquò far calguèt mai de de cinc annadas de trabalh e recerca d’una còla internacionala de scientifics. La resulta es una cellula artificiala que pòt provocar, al còp, la naissença de plusors cellulas filhas artificialas semblantas a la primièra e que pòdon arribar aprés la tròba d’una malautiá per aquela cellula artificiala.
Per ansin, que poiriá èsser tras qu’utila a l’ora de luchar contra las malautiás que pòt patir l’èsser uman. Totun, encara demoraràn, segon los cercaires, divèrsas annadas per poder la desvolopar plan.
Segon çò que foguèt publicat al numeric Cell, la còla que trabalhèt sus aquesta nòva cellula artificiala, nomenada JCVI-syn3A, poguèt doncas ara crear aquela nòva cellula artificiala que pòt se dividir e multiplicar coma se foguèsse una cellula viva, e aquela division cellulara sintètica poiriá entraïnar plan la creacion de noiridura pels cors umans a mai d’èsser mai un otís fantastic a l’ora de luchar contra las malautiás umanas.
Una vertadièra revolucion genetica
La comunautat scientifica dobtèt pas a l’ora de qualificar aquela cellula artificiala coma un pas de gigant dins lo mond de l’engenhariá genetica actuala. E, maugrat que la resulta del trabalh d’aquela còla es pas grand, semblariá èsser qu’o pòt èsser plan pendent lo futur mai pròche. La cellula artificiala creada a mens de 500 gèns. Per rapòrt a una cellula umana, seriá doncas plan limitada, car aquesta ne pòt aver fins a 30 000.
Tot comencèt fa mai de cinc annadas, quora aquela còla scientifica poguèt crear dins un laboratòri lo primièr organisme sintetic unicellular amb sonque 472 gèns. Pasmens, aquel primièr organisme genetic artificial reagissiá d’un biais estranh, car a l’ora de créisser e se dividir, creava d’autres organismes genetics artificials diferents, çò es amb desparièras mesuras.
Puèi los cercaires poguèron identificar set nous gèns que caliá los usar per aquel procés per foncionar plan. La basa de la nòva cellula artificiala foguèt lo nomenat microplasma, amb nòu ADN sintetizat ara al laboratòri.
Cinc annadas puèi, ongan, poguèron crear la primièra cellula artificiala genetica que, amb 19 gèns nous (dont los set necessaris per a una division cellulara normala). Çò de pus malaisit per aquela recerca foguèt trapar e identificar justament aqueles 7 gèns necessaris per una reproduccion drecha d’aquel nòu organisme sintetic. Uèi sonque es conegut cossí agisson 2 d’aqueles 7 gèns e doncas ,cal ara estudiar mai prigondament los autres per comprene melhor cossí de debana aquò.
La Redaccion
Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion
