LA NORMA ES L’EXCEPCION
Ara un nòu estudi confirma que i a pas cap evidéncia per la lei de Bergmann pendent lo Mesozoic ne los dinosaures nimai amb los mamifèrs. La Lei de Bergmann es un principi scientific qu’afirma que los animals, en de nautas latitudas e climas mai freds venon màgers que los especimèns de la meteissa espècia en de climas mai cauds.
“Lo nòstre estudi demòstra que l’evolucion dels corpses dels dinosaures mas tanben los mamifèrs pòdon pas demorar reduches a una sola foncion segon la latitud o la temperatura, çò diguèt Lauren Wilson, de l’Universitat d’Alaska. Avèm descobèrt que la Lei de Bergmann unicament pòt èsser aplicada a d’animals omeotermics (qu’an totjorn la meteissa temperatura) e sonque cambian quan i a de factors en jòc coma la temperatura mas sens aplicar d’autras variablas ».
La lei es l’excepcion
Aquò entraïna poder dire que la Lei de Bergmann es mai una excepcion qu’una norma generala. A l’estudi, los cercaires apliquèron la lei de Bergmann als dinosaures e mamifèrs del Mesozoic que cresquèron malgrat una temperatura suau. En l’analisi scientifica tanben foguèron inclusas de donadas de luòcs amb una plan nauta latitud dont las de la Formacion Prince Creek, en l’artic.
Aital, los dinosaures de l’artic patiguèron de plan baissas temperaturas e de nèu mas, malgrat aquò, los cercaires trobèron pas cap creissença corporala en cap d’aqueles animals. Los autors de l’estudi tanben analizèron çò de meteis amb los mamifèrs e los aucèls, descendents dels dinosaures.
La resulta de l’estudi confirmava totojorn çò de meteis : i a pas cap lei a l’ora de classificar lo corps segon las sieunas mesuras en los mamifèrs e aucèls actuals. Pasmens, i aviá una pichona relacion entre los corpses dels aucèls modèrns e la temperatura, mas èra pas la meteissa que pels aucèls de la preïstòria.
“Lo registre fossil balha una finèstra a d’ecosistèmas plan desparièrs, amb de condicions climaticas tanben diferentas e aquò confirma que las leis ecologicas actualas, coma la Lei de Bergmann, pòdon pas èsser aplicadas en aquel tipe d’animals, çò apondèt Jacob Gardner, de l’Universitat de Reading.
“Una lei actuala deuriá poder s’aplicar tanben als organismes fossils, çò confirmèt Pat Druckenmiller, director del Musèu Universitàri del Nòrd. Lo present sonque pòt èsser comprés segon las leis passadas ». L’estudi foguèt publica al numeric Nature Communications.
La Redaccion
