La plaja de Gulpiyuri es un dels joièls mai amagats de l’estat espanhòl pr’amor qu’es la plaja mai pichona de tota la planeta. Es situada en Asturias e foguèt declarada monument nacional en 2001. Es a la còsta orientala d’aquela comunautat autonòma, e doncas fòrça pròcha de la plaja de Sant Antolín, e s’i pòt arribar après crosar una pichona montanha, car arriba pas fins a la mar.
Sonque s’i pòt arribar dempuèi lo vilatge mai prèp de Naus, o dempuèi la plaja de Sant Antolín, car es situada a l’interior, environada de prats e d’una zòna de bauces a la part davantièra. Los bauces de pèira calcaria foguèt lo luòc ont la mar creèt una pichona cauna a l’interior dels mateisses fins que la cauna s’enfonsèt: la resulta ne foguèt un pichon trauc circular d’aperaquí 50 mètres.
La cauna a una longor de 100 mètres e arriba fins a la mar e pr’amor d’aquò la plaja de Gulpiyuri , a l’aiga dirèctament de la mar. E per aquò tanben es una plaja amb de mareas.
Una plaja environada de prats
Aquela pichona, mas polida, plaja demòra amagada de totes environada per de zònas nautas de prats, çò que dòna una privadança que se troba pas en gaireben cap autra de plaja de la planeta, e a tanben l’avantatge d’èsser protegida del vent.
La zòna de la plaja es de sabla, del temps que la part d’aiga qu’arriba a la cauna es brica prigonda, e, per ansin, l’aiga que i a es brica dangierosa. Mercés a l’isolament se conservèt en perfièchas condicions aquela jòia naturala de la Peninsula Iberica. De soslinhar que lo fenomèn fisic que s’originèt en aquela plaja es tanben conegut coma dolina e es ligat al modelatge carstic de la còsta asturiana.
Plusors cercaires dison tanben que se poiriá tecnicament nomentar l’aiga d’aquela pichonela plaja coma la mar de Gulpiyuri , car seriá una mar continentala restacada a l’ocean Atlantic, amb sonque una sola plaja dins la zòna sud e un bauç dins la zòna nòrd, e que fariá d’aquela la mai pichona del mond. L’unic problèma es qu’a pas cap de servici e se un vòl i anar cal primièr tot o comprar per poder puèi la gausir.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
