DÈTZ ANNADES DERA ACADÈMIA ARANESA DERA LENGUA

Maugrat que pòt semblar que siguec ger, era Acadèmia Aranesa dera lengua Occitana je a hèt dètz annades. E era aguesta acadèmia celèbre diuèrsi actes entà rebrembar aquera data. Un d’aqueri serà eth que se desvoloparà en Hotel Tuca de Betren, ena Val d’Aran, (situat ena carretèra de Vaquèira, núm. 25) aguest pròplèu diuendres, 17 de mai. Er acte consistirà en ua trobada entre era Acadèmia e era seccion Filologica der Institut d’Estudis Catalans.

Atau, en Hotel Tuca de Betren, en Aran, era seccion filològica der Institut d’Estudis Catalans (IEC) començarà ua trobada de dus dies, es pròplèus divendres 17 e dissabte 18 de mai,  damb es membres dera Acadèmia Aranesa dera Lengua Occitana (IEA-AALO). Aguesta trobada comencçarà as 18:00h.

Eth programa entara aguesta trobada començarà damb es parlaments de Jèp de Montoya, president dera IEA-AALO mès tanben der Institut d’Estudis Aranesi, seguida dera intervencion d’Eva Fiter, directora der Institut per al Desenvolupament i la Promoció de l’Alt Pirinèu i Aran (IDAPA).

Un shinhau dempús intervierà Claudi Balaguer, entà remembrar es limits entre es lengües occitana e catalana, seguida deth parlament que realizaràn Mercè Lorente e Josep Martines sus el projècte de Nòu Diccionari Normatiu de la Llengua Catalana. Abans des 19 h Mila Segarra e Ramon Sistac parlaràn sus era estandardizacion deth catalan.

Es lengües occitana e catalana

Dempús, er ancian president der IEA e membre d’aguest institut, Jusèp Loís Sanz, destacarà era situacion actuau deh procés de normativizacion der occitan. Més tard i aurà un collòqui sus aguestes matèries e, fin finau, er acte concludirà apuprètz es 19:30 h.

D’un aute costat, tanben cau remembrar qu’etrh madeish dia, et diuendres 17 de mai, era Seccion Filològica harà ua session en plen en madeish Institut d’Estudis Aranesi- Acadèmia Aranesa de Lengua Occitana e eth dia dempús i aurà ua reunion d’aquest organisme e er IEC entà presentar es nàui recorsi d’andues institucions lingüistiques.

Aguest acte serà organizat pes membres dera Secció Filològica de l’IEC, es membres der IEA-AALO e tanben era Delegacion der IEC en Lhèida a mès dera collaboracion der Institut IDAPA e la Fondacion La Caixa. Es sòns organizadors son Ramon Sistac, der IEC e Alidé Sanz, der IEA-AALO.

Era Redaccion