Jamès enquiara es cercaires auien afirmat qu’era vida ena planeta neishec pendent ua epòca heireda, mès naus estudis confirmen qu’aguesta justament neishec durant un des periòdes mès heireds dera planeta e, mès encara, quan tota aguesta ère caperada de nhèu.
Aguesti periòdes tanben son coneishudi coma Tèrra bòla de huec. Passèren entre ara hè 720 e 635 milions d’annades e siguec, segontes es prumèrs estudis, quan i auèren es prumèrs eucariòtes, es prumères formes de vida complèxes qu’evolucionèren enquias prumères cellules multicelulars. Eth sòn amagatal serien es diuèrsi estanhs d’aigua que i auie alavetz. Açò ei çò que ditz ara eth MIT (Massachussets Institute of Tecnology).
Aguesti periòdes son tanben es nomentats quan era planeta venguec ua bòla de glaç. I auèren alavetz dus episòdis de glaciacion contunhats que i auec justament pendent ara hè 635 e 720 milions d’annades, ua epòca coneishuda pes geològs coma Criogenian.
Es caracteristiques fisiques deth glaç e dera nhèu d’aquera epòca son encara en discussion. Es cercaires encara cerquen pròves entà poder demostrar qu’eth glaç ère dur o trende. Totun i a un acòrd generau entà poder afirmar que tota era planeta èra caperada d’ua capa prigonda de glaç amb temperatures mejanes de -50ºC. Mes, alara, com podec era vida subervíuer en aguestes circomstàncies ?
Es fondaments dera complèxa vida
“Volem compréner es fondaments dera complèxa vida dera Tèrra,” çò didec Fatima Husain, del MIT. “I an pròves d’eucariòtes ja abans d’aquest pèriòde e tanben durant epòques posteriores mès non sabem on poirien auer viscut. Eth gran mistèri ei saber com subreviuec aguesta”.
Atau, i a diuèrses ipotèsis sus on poirien aguesti organismes auer viscut; dilhèu en cèrtes regions der ocean, laguens cèrtes ventilacions idrotermaus o jos era capa de glaç. Segontes Husain e es son collègues es estanhs d’aigua prigonda tanben poirien auer estat capables de sosténer de vida eucariòta en aquera epòca.
Segontes Husain, es estanhs d’aigua honuda poirien auer auut aguesta vida. Entà poder o demostrar analizèren mòstres d’estanhs d’aigua honuda en Antartida. Eth hons d’aqueri estanhs ei caperat de micròbis acumuladi pendent decades que formen comunautats cellulares.” Pòden èster capes de diuèrsi centimètres de prigondor e damb color, çò apondec Husain. Son cianobactèris, procariòtes o encara d’autres organismes viui”.
Aqueri micròbis tanben son coneishudi pr’amor que pòden subreviure en cèrts environaments des mès durs dera planeta. Podien aguesti eucariòtes auer subreviscut en aquera epòca ? Calie un estudi microscopic des bons entà poder o confirmar. Es cercaires analizèren aqueres capes de micròbis en tot estudiar es lipids e tanben er ARN entà identificar cèrts organismes.
Es analisis balhèren era identificacion de cèrts grops d’eucariòtes. En çò que tanh as lipids, es cercaires trapèren fòrça ARN associat a cèrtes algues, protites e animaus microscopics. Atau descorbiren que cèrts estanhs auien ua diuersitat estonanta de vida eucariòta, maugrat que cap estanh ère semblable a un aute.
“Mès auem trapat unions d’eucariòtes de toti es grops majors d’aguesti organismes en toti es estanhs estudiats. E aqueri eucariòtes, çò afirmèc Husain, son es descendents des eucariòtes que suberviuèren ena Tèrra bòla de glaç.
“Açò demòstre qu’es estanhs d’aigua prigonda que i auec en eth periòde dera planeta bòla de glaç aurien podut servir d’oasis jos lo glaç per la vida. Aqueri estanhs alimentauen era vida complèxa d’aquera epòca, çò dideren es scientifics”. Er estudi siguec publicat ena pagina web online Nature Communications.
Era Redaccion
Fotografia principau: Oleg Kuznetsov/CC.
