ERA NÒSTA ESPÈCIA PENDENT ETH FUTUR
Ua còla de cercaires dera universitat anglesa de Bath volec confirmar ce com serien es umans deth futur. Aué es umans èm ua espècia qu’evolucionèc pendent 4.000 milions d’annades. Enes nòstes molecules auem es mars dera epòca Arcaica, es gèns des peishi sense uèlhs deth Cambric, e tanben es des petiti mamifèrs que hugien des dinosaures.
Açò vò díder qu’èm eth resultat dera evolucion ,mès on arribaram en futur ? Ja uèm perdut massa muscular. « Pendent es dus darrèrs milions d’annades, çò dic Nicholas Longrich, paleontològ d’aquera universitat, es nòsti esquelets venguèren mès leugèrs pr’amor que ja non auiem era necessitat d’usar era fòrça coma abans. E auiem començat a utilizar es armes. Dempús auem vengut mès sedentàris pr’amor dera agricultura e era densitat des nòsti òssi venguec tanben menor. E açò contunhe aué ».
Eth futur dera espècia
E donques serem mès primi en futur ? Segontes un estudi publicat ena revista scientifica Science aué auèm mès e mès pés pr’amor d’aguest sedentarisme, e pr’amor dera alimentacion. Bèri uns cercaires actuaus creden que manjam massa e practicam pòc exercici fisic. D’auti diden qu’era genetica e es virus son ja ua part mès de nosati e pr’amor d’açò pesam mès aué.
Aué manjam mès arròs e pasta e mens vegetaus. Eth resultat de tot açò ei qu’auram òssi mès leugèrs mès tanben auram mès grèish- E çò de madeish passarà damb era nòsta nautor. Es nòsti cervèths, d’un aute costat, seràn fòrça mès complèxes pr’amor dera nòsta societat e eth lengatge. Totun, es nòsti cervèths son mès e mès petiti.
Era origina poirie demorar ena agricultura. Non se podie auer agricultura e es madeishi cervèths, çò diden es cercaires. Cau pensar qu’un cervèth necessite enquia un 20% des nòstes calories jornalières. En ua societat agricola un cervèth gran podie èster un problèma.
“Çò que passarà damb eth nòste cervèth, çò apondec Longrich, ei que s’adaptarà as nòstes necessitats. Auram mens connexions e abilitats, mès tanben n’auram d’autes naues. Tanben seram mens agressiui e mès conformistes e era nòsta salut mentau serà melhor.
Açò tanben poirie èster bon mès tanben cau pensar que fòrça des gènis umans dera nòsta istòria mès recent auin fòrça depressions (Darwin e Newton) e aguest tipe d’evolucion poirie provocar auer mèns gènis ena umanitat pendent eth futur.
Era Redaccion
