Un nau estudi confirma qu’es cèrvis europèus patissen mès era menaça umana que non era d’auti predators naturaus, com eth lop. Era causa principau ne serie era caça legau o illegau e eth cambiament deth paisatge e deth solèr pr’amor dera agricultura pendent es darrères decades. Açò provocarie un tipe de densitat o un aute enes populacions actuaus de cèrvi ròi europèu. Fòrça mès que non es predators naturaus.
Segontes aguest estudi, era caça e agricultura umanes serien decisiues ara ora d’auer mès o mens densitat enes populacions de cèrvi vermelh en Euròpa. De remembrar que, enquiara, es populacions de cèrvi ròi europèu sonque venien menors se èren atacades per lops, gats-garièrs o ossi en ua madeisha region.
Mès, segontes semblarie, era caça umana e era agricultura son encara ua menaça pejor entara aguesta espècia mamifèra. Çò de madeish se debana damb es populacions de bisont e d’oapitís en continent europèu.
Un estudi alemanh
Er estudi siguec realizat a nivèu internacionau per ecologistes dera universitat alemanha de Freiborg que volie, damb açò, conéisher es principaus causes dera densitat de cèrvis ròis en una region.
Es cercaires podèren demostrar qu’era densitat de populacion deus animaus en continent ei atau pr’amor dera caça umana e dera agricultura. Açò ei fòrça mès important entara aguesta espècia que non es lops, gats-garièrs o ossi que i pòga auer en cèrta region damb cèrvis.
“Es grani carnivòrs son estadi tostemps considerats com un factor clau ara ora de parlar de contraròtle d’espècies com es cèrvis ròis europèus, çò diguèt Suzanne T. S van Beeck Calkoen, de l’Escòla d’Ecologia e Natura d’aquera universitat. Totun, en paisatges dominadi per òme, açò non ei ben ben atau ».
Es cercaires auèren donades dera densitat deth cèrvi ròi de 492 estudis europèus locaus anteriors d’enquia 28 païsi e i sumèren de factors com es carnivòrs, es activitats umanes e era proteccion der animau en airau.
Era resulta confirmèc qu’es populacions de cèrvi ròi europèes venien mès petites pr’amor dera caça umana. Açò e non es carnivòrs èren fòrça mès importants entara espècie. E era agricultura provocaue ua densitat tanben menor.
« Es predators actuaus non son bric importants entas populacions de cèrvis ròi europèus , çò dideren es cercaires. Sonque se i a lops, gats-garièrs e ossi ath còp en un airau ei quan i a mens cèrvis ròis ». Er estudi siguec publicat ena revista scientifica online Journal of Applied Ecology.
Aguest madeish estudi tanben confirmèc qu’eth lop non ei important ena vida vidanta des cèrvis ròis que i a en centre d’Euròpa. Se debana çò de madeish en de luòcs on abans non i auien lops e ara n’i torne a auer. E demanèren ara d’estudiar damb mès prigondor era relacion entre lops e cèrvis en continent.
La Redaccion
