Uei volem recuélher un aperet hèit per la celèbra primatològa Jane Goodall, qu’averteish que i a un país au monde qu’a com mira finau tuar e assassinar dinc a tres milions de cans pr’amor de l’espòrt. Aqueth país qu’ei Marròc, e la causa d’aqueth òrre massacre qu’ei lo Mondiau de futbòl de 2030. E que cau o denonciar pr’amor que l’espòrt, quan ei sinonime d’atacas aus animaus deisha d’estar espòrt entà vàder un negòci e pro.
Se l’aperet estosse pas estat realizat per Jane Goodall çò de mei segur que seré que tots los occidentaus aurem pensat qu’aquera notícia èra ua mensonja e pro. Totun, la credibilitat d’aquera scientifica anglesa que’u balha hèra credibilitat e donc que podem créire que çò que digó Jane Goodall e autes organismes que cèrcan ajudar totjorn aus animaus de la planeta. E aquò tanben qu’ei drin triste, pr’amor que se l’aperet estosse pas estatt realizat per aquera scientifica pas arrés n’ac poiré pas créder. E aquò tanben qu’ei triste. Plan triste.
Entà contunhar dab aquera òrra persecucion animau, lo governament marroquin qu’autorizè las armas de huèc e autes metòdes, coma lo poson. E lo massacre que comencè dejà bèth temps a e a continuitat, de faiçon quotidiana, e shens que nada organisme politic o sociau occidentau o haja denonciat.
Lo mondiau de Futbol de 2030
Pr’amor qu’en l’an 2030, quan Marròc aja lo Mondiau de Futbol, que calèva netejar plan las carrèras e bastir navèras infrastructuras se se volèva aver un mondiau que s’i escàdia plan. Mes qu’estó alavetz quan lo governament marroquin descobrí que i avèva mei de 3 milions de cans en carrèras e que se se volèva balhar ua bona imatge a la planeta, que’us calèva tuar e lèu.
Qu’estó justament pr’amor d’aquerò que la celèbra primatològa anglesa Jane Goodall que denonciè au monde aqueth òrre massacre. Vertat qu’ei que 3 milions de cans son un vertadèr problèma financèr entà quinsevolh governament mes que tanben i pòden aver alternativas entà agir mélher quan i a un problèma com aqueth. Ne’us cau pas tuar pr’amor qu’alavetz ei quan daissèm d’èste umans.
Tot aquerò que comencè dejà en l’an 2019 quan lo governament marroquin comencè de causir un metòde etic entà acabar dab lo problèma de milions de cans que demoravan en carrèras dens aqueth país nòrd-african. Caliá controlar la populacion de cans en carrèras a tot lo país e qu’ac calèva har de faiçon definitiva. E qu’estó alavetz quan comencèn d’estar capturats milièrs de cans que puish estón esterilizats e vaccinats. Puish, totun, qu’èran liurats tornarmai. N’ei pas çò que se debana adara.
Pr’amor que, aprés mei de cinc annadas, lo governament marroquin que descobrí que i avèvan pas mensh cans mes que n’i avèva enqüèra mei e que l’ahar podèva pas estar contrarotlat se non se començavan a aucir milèrs e milèrs de cans. En mei d’aquò, la confirmacion deu Mondiau de futbol de 2030 que provoquè causir ua solucion finau entà netejar las carrèras de las vilas e vilatges d’aqueth país abans deu medish mondiau.
La causa oficiau deu governament marroquin entà tuar milèrs de cans que demoran en carrèras ei qu’aqueths animaus forman colonias qu’atacan la populacion umana pròcha. E capturar, identificar, esterilizar e vaccinar centenars milèrs de cans qu’ei un ahar que lo governament marroquin adara considèra qu’ei plan car e que pòt pas contunhar. E pr’amor d’açò arrivèt la solucion finau. E qu’estó alavetz quan divèrsas associacions defensoras deus drets deus animaus, coma Coalicion Animau Internacionau qu’ac denonciè.
Los metòdes denonciats per aqueras associacions son òrras; que’s pòt aucir lo can dab armas de huèc. Tanben se pòt los tuar dab poson que sovent ei dins la neurituda. Totun, adara lo governament marroquin, quan ei estat denonciat per aqueras accions qu’afirmè que los cans èran pas aucits dab aqueths metòdes, mes aufriguèt nada alternativa e aquò que hè pensar que la caça illegau de cans a Marròc que contunha.
Entà Goodall aqueth massacre “qu’ei un ahar òrre, de barbares” e qu’ac denonciè davant la FIFA, l’organizacion mondiau que susvelharà lo mondiau de futbol en 2030. La celèbre scientifica anglesa que demandava ajuda entà arrestar aqueth massacre de cans mes ne recebó pas nada responsa. L’umanitat que contunha de pensar solament en era medeisha e pas en d’autas espècias. Aprés tot, cò digó mei d’un politician, un can qu’ei solament un can e pro.
“Se la FIFA hè pas arren que serà compliça deu massacre, dit Goodall a la premsa internacionau. Que cau poder resólvre aqueth problèma de faiçon etica e que se cau se pòt arribar a penjar la concesssion deu mondiau dinc a que lo massacre serà acabat”. Entà Goodall hèra entenut que i a milèrs de passionats deu futbol que tanben aiman los animaus e que vòlen pas aquò. E que son eths que pòden har ua crida a non pas participar dens aqueth mondiau e arrestar atau lo massacre”.
Entà Goodall, que i a d’autes camins, com esterilizar la populacion entièra de cans en Marròc e atau non i aurà pas mei massacre. Un massacre massiu qu’ei uei òrre pr’amor que i a tecnicas entà pas o far, çò ajustè Goodall. Que son accions que foncionèn en d’autes país e que tanben pòden foncionar en Marròc. Entà nosauts, l’AASOC e las revistas occitanas Sapiéncia, Medievalòc e Petita Sapiéncia tanben qeu volem ajudar aqueth aperet internacionau e ajudar a arrestar un massacre que provòca aversion coma umans e que jamei deuré estar estat començat.
La redaccion
Fotografia principau : Iwan radic /CC
Aquesta cronica suu Ràdio País : https://soundcloud.com/radio-pais/natura-assassins-de-cans?in=radio-pais/sets/natura
