Home GEOGRAFIA Anglatèrra e França, geologicament amassa
Anglatèrra e França, geologicament amassa
0

Anglatèrra e França, geologicament amassa

0

Çò es çò qu’an confirmat plusors geològs fa pas gaire. Fa d’aperaquí 400 milions d’ans una partida de las illas britanicas d’uèi ( çò es Anglatèrra e Galas) e la massa continentala europèa (sustot lo territòri que uèi es l’estat francés mas mai encara) foguèron unidas. Apuèi, lo truc d’un tròç de tèrra situat mai al nòrd-oèst en çò que uèi es Escòcia auriá desseparat aquelas tèrras e creat un paisatge mai prèp de l’actual.

“Ja era conegut que fa d’aperaquí 10.000 ans un òme podiá crotzar lèu d’Anglatèrra a l’estat francés per tèrra”

Atal e maugrat que durant desenats d’annadas la sciéncia geologica confirmèt qu’Anglatèrra, Gallas e Escòcia se formèron pr’amor de l’aparicion d’Avalònia e Laurentia, ara una còla de geològs angleses o a pogut negar. Segon aquestes i aguèt una tresena massa continentala terrèstra implicada en aquel procès (Armorica). La conclusion arriba après un estudi prefond de las proprietats mineralas de las ròcas de Devon e Cornoalha.

Una frontièra fòrça clara

La resulta de l’estudi confirma una frontièra geologica clara entre aquelas tèrras e las situadas mai al sud, que serián geologicament mai pròchas al territòri francés e europèu. Aquò explicariá perqué se tròba facilament tugstèn al sud-oèst anglés e tanben en Bretanha e Euròpa continentala mas pas pus al nòrd.

Segon Arjan Dijkstra, cap d’aquel l’estudi geològic “aquò farà pensar las causas d’un autre biais – çò diguèt – pr’amor que la frontièra geologica que los angleses totjorn an situat mai al sud ara es clar que dessepara Cornoalha e lo sud de Devon de la resta de la mai granda de las illas britanicas”.

La resulta d l’estudi confirmariá un fach geologic que los scientifics ja suspectavan fa de temps: i aviá de tèrra entre Anglatèrra e l’estat francés fins fa solament 10.000 ans. Çò qu’an confirmat es dempuèi quand ja existissiá aquel pònt natural terrèstre, uèi desaparegut.

L’estudi confirma una frontièra geologica clara entre aquelas tèrras e las situadas mai al sud, geologicament mai pròchas al territòri francés.

Per arribat a aquelas conclusions estudièron de ròcas de 22 luòcs desparièrs de Devon e Cornoalaa e tanben de rèstas d’erupcions volcanicas debanadas fa 300 milions d’ans: apuèi las analizèron quimicament amb d’espectrometria fluorescenta de rais-X.

Apuèi dissolguèron los exemples roclahoses en d’acid en tot analizar los nivèls d’estronci e neodimi. La resulta estonèt plan los cercaires pr’amor que demorava clara una frontièra qu’anava de l’estuari d’Exe a l’èst fins a Camelford a l’òest e que devessiá Anglatèrra.

“Ja era conegut que fa d’aperaquí 10.000 ans un òme podiá crotzar lèu d’Anglatèrra a l’estat francés per tèrra – çò confirmèt Dijkstra – mas las resultas de la nòstra analisi faguèron clar qu’aquela relacion èra fòrça mai prefonda pr’amor qu’acomencèt, au mens, fa 400 milions d’ans. Es un vejaire totalament nòu dins l’istòria geologica europèa”. L’estudi es estat publicat al numeric Nature Communications.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *