La comunautat scientifica a alertat totjorn sus l’impacte que pòt entraïnar la pujada de temperaturas als desparièrs ecosistèmas terrèstres. Qualqu’unes cercaires avián arribat afirmar que, amb lo cambi environamental, lo territòri de la majoritat dels arbres de la planeta cambiariá vèrs lo nòrd. Ara, un nòu estudi dobta d’aquò e soslinha que los arbres viatjant vèrs l’oèst mai encara que vèrs lo nòrd.
Aquò maugrat que plusors estudis scientifics avián predich que los arbres de la planeta migrarián vèrs lo nòrd e vèrs los pòls terrèstres. L’amassada annadièra de la Societat Ecologica Americana aqueste mes serà lo luòc ont se decidirà, fin finala, vèrs ont emigran las desparièras espècias d’arbres a America del Nòrd pr’amor que, ara, i a d’estudis que dison una causa e d’autres una autra.
Los arbres tanben emigran
Cossí es aquò possible ? La majoritat de personas dobtan qu’un arbre pòsca viatjar. Es pas atal. Çò que los cercaires vòlon dire es lo cambi territorial tradicional que las desparièras espècias d’arbres pòdon arribar patir. Aital, pendent una epòca cèrta, pòdon èsser dins un territòri situat mai al sud e pendent una autra epòca en de territòris que son pus al nòrd.
L’estudi del professor Songlin Fei, totun, del Departament Departamental Forestal de l’Universitat de Purdue, confirma çò de contrari. Se la majoritat de recercaires fins ara avián avertit que los arbres migrarián vèrs lo nòrd, l’estudi d’aqueste scientific demòstra que la majoritat emigran mas vèrs l’oèst. Per far aquel estudi lo cercaire utilizèt de donadas de plusors estats de la còsta èst dels Estats Units e dins d’aquelas analizèt la situacion de mai de 83 espècias d’arbres pendent los darrièrs 30 ans.
L’estonament arribèt aprés conclure que i avián agut de movements dels arbres, òc, mas vèrs l’oèst. Segon las nòvas donadas balhadas per Songlin Fei, 73% de las espècias d’arbres estudiadas patiguèron de migracions vèrs l’oèst e solament 62% de las quitas espècias emigrèron vèrs de territòris mai septentrionals.
A mai, lo cercaire a volgut soslinhar qu’aqueles cambis son pus raportats amb la l’umiditat que non amb lo cambi environamental. Atal, la majoritat d’espècias d’arbres qu’an patit un movement vèrs l’oèst son d’espècias fòrça mai tolerantas a la sequièra e lo fuòc que non las autras. Atal es demostrat per la sieuna istòria evolutiva.
Segon Songlin Fei los cambis de temperatura a nivèl global doncas an un mendre influéncia sus los arbres que non se pensava abans e sens de fuòcs serián d’espècias vegetalas encara mai espandidas. Se pòt ara pas dire que o sabèm pas. Los arbres tanplan emigran.
La Redaccion
