La neurosciéncia o confirmèt: lo cervèl a de besonh s’avorrir se vòl subreviure en un mond mai e mai restacat. De cercaires descobriguèron que s’avorrir activa de rets cerebralas clau per la creativitat, la memòria e l’equilibri emocional. E tanben avertiguèron sus una vida sens se pausar.
Al mond actual tot es creat per cridar l’atencion : Mas quand i a una pausa es quand arriba lo miracle ; segon Marta Trillo, autora del libre « Com decidís los tieu cervèl », los umans estimam, avèm paur e causim mas tanben i a l’avorriment. Un prètzfach clau per la nòstra santat mentala. Plusors cercaires demostrèron que quand « i a pas res al cervèl » es quan s’activa la ret neuronala que comença quand nosautres pensam pas res e començam a guardar vèrs dins nòstre.
La fauta d’estimòls es positiva
Quand i a una fauta d’estimòls es pr’amor que quicòm crida pas pus l’atencipon e lo cervèl reagís. Se pausa pas mas cambia de foncion ; classifica remembres, processa emocions e resòlv problèmas sens parlar. Aquò ajuda a compréne lo passat mas tanben sospechar al futur. Tot aquò sonque comènça quand i a pas pus d’informacion. Lo mond digital a pas cap fin. E es un dangièr per lo nòstre cervèl. Los umans podem pas pus pensar quina es la milhor decision, arrèsta la memòria e podem pas contrarotlar las emocions.
Mai d’un cercaire cre que las idèas pus bonas arriban pas del trabalh mas de la passejada pel bòsc o en tot netejar l’ostal. Son d’activitats mecanicas qu’an pas de besonh l’atencion. E lo cervèl ven alara mai creatiu. Uèi lo jorn badar es mai de besonh que jamai. Es natural. Ajuda lo cervèl a trapar solucions plan originalas. I a pas pus temps mòrt, coma abans. Tot son messatges, vidèos e aplicacions. Aquò a un prètz : lo sistèma nerviós es totjorn alèrta e aquò produsís fatiga, d’estranci e problèmas de santat grèus.
Sens avorriment i a pas cap equilibri intèrn. Lo cervèl a de besonh mai de pausas e mens d’informacion. L’avorriment tanben ajuda a desvolopar paciéncia, supòrtar çò de pièger e crear responsas creativas. Los mainatges qu’an totjorn quicòm que crida la lor atencion son plan mens tolerants e an de problèmas a l’ora de trobar plaser mai endavant.
Avorrits, lo sistèma limfatic o contraròtla tot. I a mens pression arteriala e l’estranci ven mai reduch. Es com tornar a començar. Mas aquò es tanben un cambiament cultural. Cal aprene que cal pas far res totjorn. S’arrestar va plan. Que perdre lo temps vòl dire aver puèi una melhor santat mentala e emocionala. Passejar, jogar amb los mainatges o guardar lo cèl va plan doncas. S’avorrir doncas tanben es positiu per la nòstra santat. Cal badar mai se volèm aver una melhor santat coma èssers umans.
La Redaccion
Fotografia principala: Steven Beger/CC
