La prediccion dera administracion estatsunidenca en çò que tòca as auragans en tot er Ocean Atlantic en 2020 ei pejor qu’era des annades anteriores. Segontes naues donades, en aguest airau i poirien auer enquia 25 naus auragans, çò que harie aguesta annada ua des pejors ena istòria des ciclons tropicaus.
Es 25 auragans que se demoren, çò ei mès deth doble qu’es que i aueren en 2019 en aguest airau, comportarien qu’ongan siguesse ua annada fòrça actiua en çò que toque es ciclons tropicaus, tanben coneishudi damb eth nòm d’auragans o tornados. Atau siguec confirmat pera Administracion Nacionau Atmosferica des Estats Units. Totun, qu’er airau descrit, er Ocean Atalantic, qu’ei tanben fòrça important entà auti continents com Euròpa.
Tempèstes damb nòm pròpri
Aguesti tipe de tempèstes tropicaus an solament un nòm quan es sòns vents son mès rapids de 63 Km/h. En abriu d’ongan ja i auie 18 auragans damb un nòm pròpi e ara, en agost ja arriven enquias 25. E aguestes donades situen 2020 en luta damb 2005, ua des pejors annades dera istòria dera umanitat modèrna en çò que tanh as auragans (siguec era annada deth Katrina).
Maugrat aguesta prediccion en tot er Ocean Atlantic es cercaires voleren confirmar qu’es auragans se podien passar en sud der airau, çò ei pròp deth Carib, o tanben en nòrd, çò ei pròp de Canadà o en ambdues còstes continentaus, çò ei era americana o era europèa. Es scientifics d’aquera administracion voleren tanben soslinhar que 2020 serà donques ua sason pro perilhosa en çò que tòque e aguest tipe de tempèstes tropicaus.
Era Redaccion
Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita
