I a mei d’ua espècia de cetacèu dab dents a la planeta. E aquò includeish mantua espècia de daufin e deus marsopats, lo caverat, las balènas dab bèc e enqüèra dus tipes diferents de balènas blancas, que son lo narvau e la beluga.
Totas aqueras espècias an dents. Las granas balènas non an dents, pr’amor qu’an barbas. Las dents d’aqueus catacèus que son totas parièras. La màger espècia qu’ei lo caverat. Lo sòn nom qu’a coma origina la paraula molara grana o caissalòt. Un mascle que pòt mesurar dinc a 20 mètres de longor e pesar dinc a 50 tonas de pés e aquò hè deu caverat lo màger predator de la planeta.
Un daufin, per contra, pòt mesurar enter 120 centimètres e 7 mètres, segon l’espècia. L’òrca qu’ei un deus predators mei poderós de l’ocean, maugrat que quasi jamei son ua miaça entà la nosta espècia. Que son plan rapidas e que pòden caçar peissum, fòcas e daufins e tanben granas balènas. Tostemps caçan en grop.
L’òrca ei considerada coma un deus animaus mei intelligents de la planeta. Que son animaus plan curiós e poderoses qu’un daufin. La soa dièta basica que son fòcas e autes mamifèrs marins, mes tanben atacan lo peissum o pingüins. Que son ua espècia plan rapida dens l’aiga e que pòden arribar plan aus 55 km/h.
Lo daufin, d’un aute costat, qu’ei ua espècia tanben plan activa e tanben ben jogadora. Que son mamifèrs elegants e poderós que segueishen sovent los vaishèths a la recèrca d’un drin de neuritud o enqüèra entà estauviar energia darrèr deus vaishèths. La majoritat de daufins demoran en grop e an ua comunicacion plan complèxa.
Ecolocalizacion entà caçar
Los daufins utilizan l’ecolocalizacion, com hè la rata-cauda, entà caçar. Aquò permet lo daufin de trapar presas o huéger d’aiga escura. Entà alendar, lençan l’aire per un trauc qu’an suu crani. Uei i a 66 espècias de daufin dont 32 espècias demoran en mars caudas, coma lo daufin comun, lo daufin dab cap de melon o lo daufin pilòta e lo daufin de fluvi.
Lo bèc deu daufin qu’ei long. Lo marsopat ei un mamifèr parièr au daufin e n’a pas bèc. Uei a i 6 espècias diferentas. Que son mei petitas que los daufins car, çò de normau, qu’ei mesurar mensh de 2 mètres de longor. La lor dièta generau qu’ei peissum e calamars. Sovent demoran près de la còsta en petits grops e quasi mei sòrten de l’aiga, com quiò hèn los daufins.
Lo caverat, per contra, manja, sustot, calamars gigants que tròban au fonz de l’ocean. Lo caverat nan hè 2,60 mètres de longor, coma un daufin, mes las autas duas espècias que son gigantescas. Qu’estón caçadas pendent sègles pr’amor deu òli qu’an au cap, que poiré los protegir de la pregondor oceanica.
Tanben son partida d’aqueth grop las balènas dab bèc. Que son plan desconegudas maugrat qu’uei i a dinc a 18 espècias diferentas. Sovent que demòran en aiga pregonda. Que minjan calamars e l’espècia màger qu’ei la balena de bèc de Baird, que hè 13 mètres de longor.
Se parlam de balènas blancas, cau parlar tanben deu narvau e la beluga o marsoïn. Lo narvau a ua defensa dentau a la boca celèbra. La beluga n’a pas nat defensa e ei blanca, totaument blanca. Las duas espècias demoran au Pòle nòrd e tanben son coneishudas coma los canaris marins, pr’amor deus lors cants.
Fin finau, que’ns cau remembrar tanben deus celèbres daufins de fluvi. Uei i a 5 espècias d’aqueths mamifèrs marins, que demoran en fluvis com Amazònas, Plata, Indus, Ganges e autes fluvis chinés. Que demoran tostemps en estuaris dab aiga tranquilla. Qu’utilizan l’ecolocalizacion entà caçar mes tanben entà se desplaçar. Ua de las espècias mei miaçadas uei qu’ei lo daufin de fluvi de China, pr’amor que solament ne demoran, haut o baish, 200 especimèns au fluvi Blau chinés.
La Redaccion
Fotografia principau: Brendan Hunter/iStock/CC
