Après analisar lo sòm de mai de 1082 estudiants de l’Universitat MacEwan, a Edmonton, en Canadà, foguèt descobèrt que i aviá una associacion fòrta entre aver de cachavièlhas e l’intolerància a la lactòsa, benlèu pr’amor dels gases provocats per aquesta o per un dolor a l’estomac pendent la nuèch qu’afectava fòrça los sòmis dels estudiants.
“Las cachavièlhas pòdon èsser associadas amb l’intolerància a la lactòsa e a d’autras allergias alimentàrias, çò diguèt Tore Nielsen, cercaire de l’Universitat de Montréal. Aquò vòl dire que cambiar las abituds alimentàrias pòt menar a la fin d’aquelas cachavièlhas.”
L’estudi tanben explicariá perqué tantas personas patisson de cachavièlhas. Los cercaires demandèron als estudiants interrogats quantas oras dormissián, quina èra la qualitat del lor sòm, e s’avián de cachavièlhas, e l’analisi de la lor alimentacion menèt a ne descobrir la relacion. Fins a de tres parts d’estudiants una afirmèron que lor arribava d’aver de cachavièlhas: las femnas se remembravan mai los sòmis mas los òmes assolidavan qu’avián lo doble de cachavièlhas a respècte d’elas. Gaireben lo 40% dels estudiants diguèron que dormissián pièger se manjavan tard e consumavan cèrts aliments provocavan dormir pièger.
Melhora noiridura, melhors sòmis
Los estudiants que manjavan pièger avián mai de cachavièlhas. Ara doncas se pòt assegurar scientificament que manjar de biais marrit provòca de piègers sòmis, mai que mai se l’alimentacion es picanta o sucrada. Sonque lo 5,5% dels estudiants diguèron pasmens que çò que consumavan podiá afectar los lors sòmis.
Per ansin, los cercaires trobèron que l’intolerància a la lactòsa provocava de cachavièlhas. Se la persona patissiá de grèus simptòmas intestinals, las cachavièlhas èran inevitablas, çò diguèt Nielsen. “Las cachavièlhas pòdon fòrça afectar las personas, mai que mai, se n’i a sovent, pr’amor que lor rompon lo sòm. E dormisson pas plan”. L’estudi foguèt publicat dins lo numeric Frontiers in Psychology.
La Redaccion
Aqueste article serà tanben publicat dins Jornalet, lo primièr quotidian en linha de lenga occitana, amb lo qual Sapiéncia a un acòrdi de cooperacion.
Fotograia principala: CATE STORYMOON_CC
