Ua còla de cercaires prepause ua naua teoria entara consciéncia; aguesta poirie demorar amagada en camps electrics e magnetics deth cervèth. Aguesti senhaus invisibles poirien èster era clau de tot e poirien ajudar a compréner plan eth mistèri dera consciéncia umana, un des problèmes mès grani actuaus dera nòsta espècia.
Aué quan non sabem ua causa i a centenars de teories sus qué pòt passar. En mon dera fisica tanben e es darrères annades donèren teories coma era teoria deth caòs, era teoria de còrdes e encara era teoria dera matèria escura heireda. E açò tanben passe quan parlam dera consciéncia des umans.
Açò vò díder que non comprenem guaire se perqué pensam. Enquiara i auèren fòrça teories que volien descorbir eth fenomèn biologic dera consciéncia umana. Bères ues teories restaquen eth cervèth damb un ordinador damb es neurones coma transmissors. D’autes encara diden qu’eth cervèth non ei algoritmic e donques qu’era consciéncia umana non non auer ua qualitat quantica.
Mès es darrèrs tempsi ua naua teoria guanhèc eth favor en mon dera sciéncia; era que ditz qu’era consciéncia umana se poirie explicar a trauèrs des camps electromagnetics (o camps efaptics) generadi pes neurones pendent es trèts sinaptics. Son es madeishi camps que registren era activitat cerebrau enes encefalogrames.
Es efèctes des camps efaptics
Non hè guaire Tamlyn Hunt, dera Universitat de Califòrnia a Santa Barbara, didec qu’eth tèrme efaptic sonque volie dider “tocar”. E qu’aguesti efèctes des camps efaptics “serien donques eth resultat des interaccions fisiques electriques e magnetiques basiques des nòstes neurones. Aguestes fòrces an un ròtle clau en cervèth e tanben ena consciéncia, çò apondèc Hunt”.
En 2019 Hunt ja parlèc d’un estudi hèt ena Universitat d’Ohio on siguec talhat er ipocamp d’un arrat. Maugrat açò, es cercaies registrèren ua activitat que volie “sautar” aguest talh e açò sonque serie possible se i auèsse un camp electric. Er efècte acabèc quan es dus seccions der ipotalam èren separades ja mès de 400 micres.
“Siguec susprenent,” çò didec Dominique M. Durand , autor principau d’aqueth estudi. Entà nosati e tanben entà toti es auti cercaires deth mon”. Er efècte poirie ajudar a compréner milhor un aute problèma sus es neurones: quini son es camins que segueishen aguestes entà desvolpar eth coneishement uman, pr’amor que son plan lentes. Maugrat açò, quan s’amassen ara velocitat des efèctes deth camp efaptic era sua velocitat aumente enquia 5.000 còps.
Aguesta teoria donques, qu’ei naua, maugrat qu’encara cau estudia’c tot damb fòrça mès prigondor. Es camps efaptics e d’autes teories sus era consciéncia an coma base es metòdes des ordinadors mès non ataquen eth major problèma: com un procés biologic pòt crear ua experiéncia subjectiua.
Totun, era istòria dera sciéncia ja demostrèc que quan i a un problèma o un ued ena sciéncia i a tanben centenars d’ipotesis que dempús pòden víer demostrades damb espròves e donades verificades. Aué encara conéisher quin ei eth mistèri dera consciéncia umana ei encara un des mès grani problèmes dera umanitat mès semblarie que, maugrat que fòrça lentament, poirie començar a víer mens escur.
Era Redaccion
