Home GEOGRAFIA DE CAUNAS DE GLAÇ A ISLÀNDIA
DE CAUNAS DE GLAÇ A ISLÀNDIA
0

DE CAUNAS DE GLAÇ A ISLÀNDIA

0

La majoritat de caunas de glaç que i a en Islàndia son formadas dins los glacièrs que i a sus l’illa e pòdon èsser diferentas segon la sason. A mai, sonque demòran divèrses meses al long de l’an malgrat que tanben n’i a que pòdon plan demorar d’annadas. La melhor epòca per las visitar, pasmens, es pendent l’ivèrn.

Tanben i a de caunas de glaç que son pas formadas dins de glacièrs e que pòdon èsser tanplan visitadas pendent tot l’an. Ça que la, cap es pas tan bèla coma la cauna de glaç que i a dins lo glacièr Vatnajökull , lo màger glacièr d’Islàndia e ont i a divèrsas caunas blavas.

Las caunas de glacièr son las pus estonantas e son desparièras d’una cauna de glaç (que demòra sonque de meses). An aquela color blava fenomenala. Pasmens, tanben i a de caunas de glaç qu’an la color blava, ròia, o negra a mai de bruna, o grisa. Benlèu pr’amor que la siá via es cuèrta normalament an pas de nom e sonque una cauna de glacièr a de nom.

La cauna de cristal es la pus celèbra. Se forma de biais annadièr al glacièr de Vatnajökull, e es la pus visitada tanben benlèu pr’amor que lo camin per i arrivar es aisit e es plan grossa.

Prèp d’aquesta i a una cauna pus pichonèla, nomenada Cauna Dark Rubin, ont i pòdon arribar a dintrar fins a 30 personas. Lo son glaç es de color negra. En 2016 e 2017 se formèt tanben la Cauna del Diamant Blau amb una color blava estonanta e pr’amor d’açò tanplan una de las pus visitadas de tot Islàndia. Prèp d’aquela i a la Cauna del Diamant negre, facha basicament per de glaç negre.

Las annadas 2015, 2016 e 2017 se formèt dins lo glacièr Jökulsárlón la Cauna de la Cascada pr’amor d’un pichon riu del glacièr. Lo tet èra pas gaire naut mas la cauna, òc, qu’èra granda, e dins i aviá una pichonèla cascada, que li donèt lo nom a la cauna.

D’imatges fenomenalas

Pasmens, una de las imatges pus estonantas qu’òm pòt recebre a Islàndia son los fenomèns coneguts coma d’auròras polaras o borealas. E una de las pus bèlas caunas qu’òm pòt trapar en aquela illa es la Cauna de l’Auròra Polara, qu’aguèt lo son nom pr’amor de las raiaduras de divèrsas colors que i aviá dins. Òm pensava qu’èra en tot agachar una auròra boreala.

Dins lo glacièr de Langjökull i a tanben de tunèls de glaç mas foguèron bastits per l’òme. Pòdon èsser ataplan visitats pendent tot l’an e qualques son celèbres pr’amor que dins òm i celebrèt un festival musical. Mas per poder visitar aqueles tunèls o caunas, cal totjorn o far amb la companhiá d’una guida e seguir totjorn çò que ditz, car las visitar tanben pòt èsser dangierós.

Un article d’Andrés López*

*Dempuèi uèi trobarètz una pichona biografia dels redactors de Sapiéncia en la seccion Qui sèm.

Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.