Com ei creada era antimatèria ? Qu’ei un fenomèn naturau qu’a coma causa principau era desintegracion de cèrts atòms e que tanben pòt èster recreat en laboratòris. Quan açò passa, neishen antiparticules lèu identiques as particules normaus, com es electrons, es neutrons e es protons. Era sola diferéncia ei qu’an era madeisha massa mès era sua carga electrica ei era contrària. Atau, un antielectron aurie ua carga positiua, e un electron normau aurie ua carga negatiua.
« Que i a cèrtes particules que pòden crear antimatèria per eres madeishes, çò didec Patrice Perez, del CEA de Paris-Saclay. Serie eth cas deth potassi-40 que, dempús de desintegrar-se crearie antielectrons. E ua sola platana pòt crear antielectrons cada ora pr’amor qu’a fòrça potassi-40. Totun, non se pòt trapar antimatèria de manèra estable en estat naturau ».
Ua destruccion rapida
Quan ua antiparticula trape era sua particula, ambedues s’anequelissen era ua ara auta de manèra instantanèa. E solament i demòre energia. En aire un antielectron pòt trapar lèu un electron e dempús desaparéisher. Alavètz, com se pòt estudiar era antimatèria ?
Es cercaires an trapat ua manèra d’ac hèr. Aué ja contrarotlen era creacion d’antimatèria, qu’ei dempús capturada. « Ac podèm hèr damb un accelerador de particules en ued. Bombardam atòms de sòdi amb protons entà provocar ua reaccion nuclear que crearà antiprotons, çò didec Perez. E entà crear antielectrons bombardam tungstèn damb electrons ».
Era Redaccion
