Home DIVÈRSES OPERACION SALVAMENT COMENÇADA
OPERACION SALVAMENT COMENÇADA
0

OPERACION SALVAMENT COMENÇADA

0

Los licaons o cans sauvatges africans son estats pendent milièrs d’annadas ua imatge restacada amb la santat environamentala d’aquel continent. La casuda de la populacion d’aquesta espècia poiriá, totun, arribar lèu a una situacion critica. Totun, divèrses laboratòris scientifics mondials an trobat una solucion genetica que poiriá sauvar, encara, aquela espècia.

La casuda de la populacion d’aquesta espècia poiriá, totun, arribar lèu a una situacion critica.

Aquò arriba après la desaparicion de la majoritat de grops d’aqueles predators de son abitat original de l’Africa subsahariana. Las causas ne son la destruccion environamentala, la persecucion umana e plusors malautiás caninas actualas. Açò a daissat una populacion de licaons africans, uèi lo jorn, de solament 6.600 animals sauvatges. Una situacion genetica critica que lèu poiriá aver pas retorn.

Per cambiar aquò, divèrses scientifics e estudioses de l’environament de la planeta tota an començat una campanha de reproduccion d’aqueste mamifèr après una descobèrta que pòt, benlèu, sauvar l’espècia de la sieuna extincion en pauc temps. E o an fach a travèrs una nòva tecnica de congelacion de l’espèrma de l’espècia Lycacion pictus.

Una còla totalament internacionala

Maugrat que la nòva tecnica es estada desvolopada per Damien Paris e Femke Van den Berghe, del laboratòri GAME de l’Universitat James Cook, la campanha serà coordinada amb mai d’un expèrt canin de tota la planeta: l’Institut per l’Alimentacion de Mamifèrs Africans en Perilh d’Extincion, l’Organizacion de Recèrca de Conservacion de Predators Africans e l’Universitat Noruega de Sciéncias de la Vida, entre d’autres.

Los licaons o cans sauvatges africans son estats pendent milièrs d’annadas ua imatge restacada amb la santat environamentala d’aquel continent.

Fins fa pauc, e en tot ensajar l’introduccion de licaons en divèrses grops per melhorar la populacion genetica totjorn i aviá un problèma ; “ Pr’amor de sa ierarquia, los nòus animals introdusits en grops ja formats finissiá amb d’atacs e la quita mòrt del nòu especimèn “. Çò confirmèt Paris – Èra una tòca del programa d’ajuda a la diversitat genetica pr’amor la desseparacion entre los divèrses grops que i a per la destruccion de l’abitat”.

Atal, la nòva tecnica de congelacion de l’espèrma dels licaons poirà èsser combinada amb l’inseminacion artificiala sens crear de problèmas en la ierarquia dels grops d’aqueles predators. E ja es estat amassat seme de 24 mascles de 5 grops desparièrs. Aquò arribèt après descobrir que l’espèrma qu’avián contunhava viu après 8 oras sens pèrta de qualitat.

“Es un espèrma amb una plan bona qualitat – çò diguèt Van den Berghe-. Pòt èsser plan utilizat per l’inseminacion artificiala dels cans sauvatges africans”. La descobèrta serà compartida amb los zòos e centres de conservacion per poder aital desvolopar un banc d’espèrma global de l’espècia.

La tecnica, publicada al jornal Cryobiology e qu’a lo supòrt de la Fondacion Animal Morris es ara un bon espèr per ajudar subreviure l’espècia dels licaons en Africa del Sud. Puèi arribarà atanben a Bostwana e d’autres païses africans. Aital, l’espècia dels licaons africans poiriá èsser salvada de l’extincion en aqueste sègle. Èra ora.

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *