Home TECNOLOGIA DEMANEN SÒS ENTATH TEMPS EN INTERNET
DEMANEN SÒS ENTATH TEMPS EN INTERNET
0

DEMANEN SÒS ENTATH TEMPS EN INTERNET

0

Èm ores e ores cada dia en Internet. E ara ua còla de diuèrses universitats e era pròpria Microsoft an hèt un estudi damb ua conclusion susprenenta: es ores dedicades entara generacion de donades en Internet aurien d’èster pagades. Ei un trabalh com un aute. E pr’açò demanen era creacion d’un sindicat d’internautes.

Aqueth nau estudi confirme qu’es donades que nosati dam a Internet ei un trabalh, mès que non ei pagat encara.

E òc, pr’amor que, diden es autors der estudi, trabalham mès de tres o quate ores cada dia, quan èm en Internet: telecargar ua foto en un malhum sociau o tanben passar peth contraròtle robotic en Internet son ores que non son pagades mès que tanben cau considerar com trabalh. Açò darie un valor just ath temps qu’èm cada dia en Internet.

Er estudi siguec hèt per scientifics des universitats d’Stanford, Columbia e Microsoft. Diden qu’açò serà solament era prumèra part d’ua revolucion digitau qu’arribarà lèu. Atau, er estudi Should We Treat Data as Labour ? (Auríem d’auer sòs pes donades en Internet ? prepause dar argent e nosati dar donades a Internet. Segontes er estudi cau totun “qu’es trabalhadors se pòden amassar en sindicats entàs negociacions collectives”.

Un pont d’enguarda nau

Aqueth nau estudi confirme qu’es donades que nosati dam a Internet ei un trabalh, mès que non ei pagat encara. Atau, es entrepreses d’Internet aurien un melhor servici entà melhorar era intelligéncia artificiau.

Segontes un des recercaires d’aqueth estudi, Glen Weyl, “ara èm com ena epòca deth feodalisme, quan eth senhor daue trabalh en cambi de proteccion e justícia. Era economia de mercat hè era madeisha causa”.

Telecargar ua foto en un malhum sociau o tanben passar peth contraròtle robotic en Internet son ores que non son pagades mès que tanben cau considerar com trabalh.

Un aute des qu’an hèt er estudi, Jaron Lanier, expliquèc “qu’es traduccions automatiques d’Internet son hètes a trauèrs dera union de milions de frases qu’es traductors reaus an publicat en Internet. E açò encara non ei pagat”.

Er estudi tanben afirme que damb ua renda basica universau entàs drets des persones que demoren ores e ores en Internet serie ua bona solucion. Serie ua manèra mès digna d’ajudar ara pròpria automatización d’Internet.

Totun, es autors d’aqueth estudi demanen se ei possible víuer solament damb era creacion de donades en Internet. E pensen que non, pr’amor qu’era intelligéncia artificiau d’Internet ei solament ua petita part dera economia d’aqueth sector. Mès pagar es persones que dan donades en Internet crearie un scenari fòrça mès just.

Segontes açò, an hèt ua naua prepausa: cau crear ua union des trabalhadors de donades e entà he’c que cau crear un nau tipe de sindicat mondiau. “Açò darie fòrça mès valor entara generacion de donades e serie tanben ua solucion entà ua societat futura sostenible – çò dideren”.

Era Redaccion

Aguest article ei publicat gràcies a un acòrdi de cooperacion damb www.aranes.club, era pagina web entà apréner aranés de forma gratuita

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.

LEAVE YOUR COMMENT

L'adreça electrònica no es publicarà. Els camps necessaris estan marcats amb *