Per l’article d’uèi m’agradariá vos explicar un dels cases mai bèles que se pòdon veire dins la natura, conegut coma la mar d’estelas, qu’es un efièch qu’arriba de nuèch dins las illas Maldivas, en d’aigas que banhan las plajas e que s’illuminan coma s’aguèsson atrapat d’estelas de cèl.
Segurament mai d’una nuèch a la plaja sem estats testimòni d’un fenomèn que fa que lo sable se veja mai brilhant, e dins las illas Maldivas, en lors plajas, arriba quand las temperaturas son estadas fòrça nautas e la nuèch fòrça escura, mas en aquel luòc çò que sembla lo reflèxe d’estelas dins l’aiga es conegut coma lutz biologica o bioluminescéncia.
Aquel efièch lo produsisson de micròbis marins o fitoplancton, e aquelas formas de vida son capablas de crear una resplendor de color blava brilhanta quand son treboladas per d’aire caud que i sus las ribas. Aquel efièch se produsís en d’autres luòcs de l’ocean Pacific e de l’ocean Atlantic, mas n’i a pas cap pus bèl que çò que se pòt veire en de nuèchs caudas en las illas Maldivas.
La bioluminescéncia
I a de divèrsas teorias de perqué s’illuminan las plajas, la responsa se pòt solament conéisser se podèm identificar los desparièrs tipes de sòl e las espècias d’animals marins qu’abitan dins la zòna, e en de fotografias qu’acompanhan l’’article podèm veire la reaccion quimica que recep lo nom de bioluminescéncia.
Aquel fach arriba quand de microorganismes de l’aiga son trebolats pel movement d’ondadas, e lo podèm espepissar en tot nadar dins l’aiga o en tot far de surf. La lutz qu’emet aquel fitoplancton bioluminiscent nos farà sentir cossí se foguèssem en tot flotar dins lo cèl estelat.
En biologia fossil e limnologia se sona fitoplancton a l’ensems d’organismes aquatics autotròfes del plancton, qu’an una capacitat fotosintetica, e totes eles los podèm trobar escampilhats dins l’aiga. En aquel grop i a fòrça èssers que son tradicionalament considerats d’algas e estudiats coma tal. A l’ora d’ara aqueles organismes se tròban classificats coma de bacterias, d’algas vèrd-blavas o mai coma de protistas.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
