Adara i a governaments africans coma lo d’Angòla, e maugrat que la majoritat de resorças qu’an son deu petròli, que tanben an decidit de’s sumar a la creacion d’ua resèrva naturau gigantesca entà ganhar mei d’argent dab lo torisme. La notícia qu’ei plan bona pr’amor qu’aqueth estat, amassa, dab autes tres, Namibia, Bostwana e Zambia, que creè, au sud-èst deu país, un parc naturau qu’ei autan gran coma tota Catalonha.
La resèrva d’Angòla, qu’ei coneishuda dab lo nom de Luengue-Luiana e i a milèrs d’elefants, leons, bufles, leopards, iènas e ipopotames que hèn d’aqueth lòc un vertadèr santuari entà la fauna africana actuau. Los toristas que la visitèron classan la resèrva com ua vertadièra meravilha.
Luengue-Luiana, qu’ei ua region deu sud-èst d’Angòla autan grana com tota Catalonha, e fòrma part d’un parc naturau immense que tanben an los estats de Zambia, Bostwana e Namibia nommat Kaza e qu’ei autan gran coma tota França metropolitana. Qu’ei practicament despoblada, shens camins pavats, shens casas, ne toristas, e qu’ei considerada ua de las darrèras zònas inexploradas e incontaminadas d’Africa.
La màger resèrva de caça deu país
Maugrat ester la resèrva de caça mei grana deu país african, enqüèra non s’i pòt pas entrar despuish las frontèras d’aqueths autes tres estats africans. Autan sauvatge ei l’estenuda. Mes adara lo president angolan, Joâo Lourenço, a com tòca obrir lo país au torisme e balhar accés au monde a jòias naturaus com las plajas de Benguela, la cataracta sacrada de Kalandula, o enqüèra la vita sauvatja a l’eden deu sud-èst d’Angòla.
Segon organismes com WWF, la creacion d’aqueth parc qu’ei ua hèra bona notícia entà l’ecologia de la region. Entà Michael Knight, director deu Fons Mondiau entà la Natura (WWF en anglés), « l’engatjament angolan entà preservar la region sud ei un punt de virada. Qu’ei l’endret dab mei de potenciau en Africa entà la vita sauvatja,” ce digó. Qu’ei un paradís intacte ».
Pr’açò considèra qu’aquò «serà un abans e un après dens ua region transfrontalèra que, dens las resèrvas namibianas, botswanesas, zambianas e zimbabweanas, ei la casa de 227.000 elefants, un sus dus paquidèrmas en Africa. La populacion d’elefants en Angòla a aumentat dètz còps dens ua decada e acabe, haut o baish, dab 6.000 especimèns. E dens dètz ans que poirem aténher 20.000 elefants; ua tòca istorica”.
Se la resèrva estó pas creada abans qu’estó, sustot, pr’amor de la violéncia que viscó Angòla pendent la soa istòria mei recenta : despuish 1975 e dinc a 2002 lo país que viscó ua òrra guèrra civila. Que i avón un milion e miei de morts e tanben 4 milions de desplaçats. E la guèrra civila solament estó la continuacion de la guèrra entà l’independéncia contra Portugau de la decada de 1970.
Mes adara las resèrvas de petròli d’Angòla representan lo 95% deus revienuts d’exportacion e dinc au 75% deus revienuts de l’estat. Maugrat aquò, adara Angòla vòu diversificar la soa economia e pr’açò la creacion de la resèrva de Luengue-Luiana. E, justament pr’açò, obrir lo país au torisme qu’ei shens precedents. Dejà en 2023 Angòla qu’aprovè un visa gratuit entà mei de 90 país e qu’inaugurè un aeropòrt navèth que permeterà l’arribada de mei de 15 milions de passatgèrs.
Que cau adara crear dinc a quate punts frontalèrs au sud-èst, entà obrir l’accès a la resèrva Luengue-Luiana entaus toristas que visitan l’estenuda de conservacion transfrontalèra de Kaza, qu’ei lo nom de l’estenuda transfrontalèra de resèrva de fauna d’Angòla mes tanben de Zambia, Namibia e Bostwana. Dens i son tanben lo Dèlta de l’Okavango, las Cataratas Victoria o enqüèra los celèbres parcs de fauna de Chobe o Moremi.
Uei Angòla solament a 133.000 toristas annaus. Qué son chifras petitas restacadas dab las de Namibia, dab 1,5 milions de toristas annaus o enqüèra de Bostwana qu’a un drin mei d’un milion. Totun, entau governament angolan « lo torisme qu’ei plan important entà l’economia nacionau pr’amor que’s vòu diversificar l’economia e trobar mei de revienuts e devisas e s’aluenhar de l’economia petrolèra ».
Segon lo president deu Conselh d’Administracion de l’Agéncia Nacionau entà la Gestion de la Region d’Okavango, Rui Lisboa, “Avèm ua grana riquessa culturau, istorica e naturau. E adara avem besonh de melhorar l’accès e l’allotjament, e volem enviar lo messatge qu’Angòla ei prèsta d’arcuélher lo monde.”
Entà Miquèl Ribas, d’un aute costat, director de l’agéncia catalana Kananga, especializada en viatges en Africa, ne i a pas nat dobte qu’Angòla hè “un pas gigant. Sustot, pr’amor qu’adara, aver un visat, qu’ei hòrt mei facile e lo governament angolan adara a ua bona predisposicion entà obrir la pòrta aus darrèrs lòcs africans vertadèrament sauvatges e intocats entau torisme”.
La conclusion ei qu’Angòla auriá cambiat, fin finau, o que vòu cambiar la soa economia. E qu’ac vòu har dab lo torisme, com hèn los país pròches. E crearà ua Resèrva de fauna coma Luengue-Luiana, que forma part de la gigantesca resèrva africana transfrontalèra de Kaza. E aquò solament pòt estar ua bona notícia entà la fauna deu lòc, que patic ja prò dab lo cambiament climatic actuau, las sequèras e las inondacions. Se Angòla s’obreish au lo son costat mei sauvatge, los asimants deus animaus solament podem o celebrar e desirar qu’accions com aquera poscan contunhar en tota la planeta.
La redaccion.
Aquesta cronica suu Ràdio País: https://soundcloud.com/radio-pais/natura-ua-navera-reserva-africana-quasi-autan-grana-com-franca?in=radio-pais/sets/natura
