Home DIVÈRSES PRIMIÈRA EDICION DE LA ROTA “AVIERNA”
PRIMIÈRA EDICION DE LA ROTA “AVIERNA”
0

PRIMIÈRA EDICION DE LA ROTA “AVIERNA”

0

Un bon roman merita una bona rota literària. Amb aquela idèa s’es desvolopat lo passat dissabte 14 de novembre la primièra edicion de la rota dedicada al roman “Avierna” de l’escrivana catalana Alícia Ventura Geis. Malgrat que l’òbra succedís en divèrses emplaçaments, per aquela primièra escasença, son estadas escolhidasdas doas vilas amb un grand passat istoric, Cervià de Ter e Besalú.

Lo roman se desvolòpa a la Catalonha de mitat del sègle XI, devessida en una sèria de comtats independents e amb un sud incorporat al mond sarrasin. Es una epòca de fòrça violéncia, de conspiracions, amb una societat estamentala fòrça dividida, ont lo feudalisme es estat implantat, amb una preséncia totala de la Glèisa Catolica en la vida quotidiana e amb un Art Romanic que decorava totas las bastissas.

En aquel contèxt, la protagonista, Avierna, descobrís una conspiracion per assassinar lo comte Raimon Berenguièr I de Barcelona. S’aquel complòt foguèsse executat, la violéncia e l’inestabilitat contarotlarián a la Catalonha comtala. En utilizant la siuena intelligéncia, Avierna voldrà l’arrestar.

La primièra edicion

A Cervià de Ter podèron visitar la glèisa e lo clastre de l’ancian monastèri de Santa Maria.

Los participants en aquela primièra edicion de la Rota Avierna, recebèron d’explicacions de l’argument del roman, mas tanben de la vida quotidiana dels tres estaments fondamentals de la societat feudala de l’epòca: los nòbles amb lo poder politic, los religioses amb lo poder ideologic e la granda massa de paisans e elevaires, que configuravan l’estament mai fragil d’aquela piramida sociala.

A Cervià de Ter podèron visitar la glèisa e lo clastre de l’ancian monastèri de Santa Maria, ont trobam ongan las dependéncias de la Comuna. Una glèisa, consacrada l’an 1053 amb la preséncia del comte Raimon Berenguièr I de Barcelona e la siuena femna, la mitica comtessa Ermessenda de Carcassona, que manten encara las estructuras arquitectonicas tipicas del Romanic, e ont se desvolòpa l’assag d’assassinat.

Tanben après d’un recorregut per qualques carrièras de la vila, que conserva encara de vestigis del sieu passat medieval, coma qualques tròçes de las muralhas, los participants visitèron las rèstas del castèl de Cervià de Ter. Aquela fortalesa existís almens dempuèi l’an 992. Una referéncia importanta es lo testament de Sunyer Llobet de l’an 1024 que nommena tanben lo castèl. Desconeissèm la data del sieu abandonament coma residéncia, mas al sègle XVII i vivián pas de personas e aviá començat lo sieu procès de deterioracion.

Mas abans l’an 1479 tot lo fèu de Cervià de Ter venguèt proprietat del linhatge dels Xetmar, cavalièrs de Medinyà e l’an 1788 als Fonsdeviela, que traspassèron lo castèl a la Comuna l’an 2013.

Aprés los participants visitèron la vila istorica de Besalú, amb lo mitic pònt, una estructura basica per las comunicacions mas tanben pel contraròtle de la populacion e la glèisa de Sant Pèire, qu’èra estada ancianament un monastèri.

Aquela activitat s’es desvolopada amb lo supòrt del Departament de Cultura de la Generalitat de Catalonha e l’Institucion de las Letras Catalanas. Mercejam la Comuna de Cervià de Ter e a l’Associacion Cervià Antic lors collaboracions.

Un article de Francesc Sangar*

*Dempuèi uèi trobarètz una pichona biografia dels redactors de Sapiéncia en la seccion Qui sèm

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.