Abans las plantas o los animaus, los camparòus conquistèn la superficia de la Tèrra. Los camparòus estón los prumèrs engenhaires de la Tèrra, prosperant hèra abans que las plantas. Las raiças evolutivas de los camparòus se difusan hèra mei pregondament que çò que se credè — dinc a hè 1,4 miliards d’annadas, fòrça abans que la naishença de las plantas o los animaus.
En utilizar ua datacion moleculara avançada e ua analisi de transferiment de gèns, los cercaires tornèn bastir lo linhatge antic deus camparòus, en revelant qu’èran cruciaus entà formar los prumèrs sòus e ecosistèmas de la Tèrra. Los camparòus qu’emergín hè mei d’un miliard d’annadas e ajudèn a formar los prumèrs ecosistèmas terrèstres.
Après aver examinat l’istòria evolutiva de los camparòus, un grop internacionau de scientifics a concluch qu’aqueths organismes apareishón per prumèr còp enter adara hè 900 milions e 1,4 miliards d’annadas, hèra mei abans que los scientifics avèvan credut. Aquò que suggereish que prospèravan sus la Tèrra de centenas de milions d’annadas abans que las plantas comencèsson de créisher. Los resultats, que son estats publicats au numeric Nature Ecology & Evolucion.
Mei d’un milard d’annadas
En la recèrca, i participèn d’especialistas de divèrs país, dont lo biologista evolutiu Eduard Ocaña, cercaire de l’Universitat Oberta de Catalonha (UOC).” Coma grop, los camparòus son hèra mei ancians que çò que s’èra imaginat abans. Qu’ei plan probable que dejà foguèssen acerà hè mei d’un miliard d’annadas, çò que us hè un deus grops màgers mei ancians d’eucariòtas,” dit Ocaña.
Aquò que vòu díser que los camparòus (un reiaume que compren tanben lo liquèn e organismes unicellulars coma las levaduras) precedescan los animaus (que se pensa qu’an apareishut hè, haut o baish, 600 milions d’annadas) e las plantas terrèstras multicellularas (hè 500 milions d’annadas).
A la diferéncia de las plantas e animaus, los camparòus que dèishan rarament fossiles pr’amor de la lor estructura. Dab aqueths pòcs fossils demorats, los scientifics an volut amassar la lor istòria evolutiva. Entad ac suberpassar, los cercaires qu’utilizèn ua combinason de tres honts complementàrias : lo nombre limitat de fossiles, las sequéncias genomicas de mei d’ua centena d’espècias, e las dadas suus transferiments de gèns orizontaus.
Lo transferiment de gèns orizontau se produseish quan un gèn se desplaça d’ua espècia a ua auta. “Quan un gèn sauta d’un organisme a un aute, aquò vò dire que los dus existivan au còp. E açò permet d’establir linhas de temps relativas, pr’amor que quin parent que sia deu linhatge deu èster necessàriament mei ancian que quin descendent que sia deu linhatge qui recebó lo gèn”, çò expliquè Ocaña.
Las descobèrtas van mei au delà de la precision de las datas ancianas. Que tornan modelar la nosta compreneson deus prumèrs ecosistèmas terrèstres de la Tèrra, pòc representats aus registres fossiles. Segon Ocaña, “las nostas descobèrtas que mòstran que los camparòus èran dejà presents sus environaments terrèstres hè au mensh 800 milions d’annadas e qu’avèvan interaccions ecologicas dab los ancèstres de las plantas terrèstras. Aqueths ancèstres ja partatjavan similituds dab los grops d’algas verdas mei pròchas de las plantas terrèstras multicellularas qu’an un certan gra d’adaptabilitat aus environaments non aqüatics.”
Los camparòus modèrnes que forman associacions simbioticas dab la màger part de las plantas, en las provedir de nutriments per glucides. Aqueras relacions ancianas, nommadas micoriza, que pòden remontar a quauquas uas de las prumèras vitas sus tèrra. Plan abans que las plantas complèxas aparéishian, los camparòus que poirén aver ajudat las algas e las plantas primitivas a s’ajustar a las condicions terrèstras deu temps que ganhavan navèras honts d’energia en retorn.
“Se acceptam que los camparòus ajudèn las plantas a colonizar la Tèrra, la nosta teoria ei qu’aquera associacion poiré aver començat hèra mei lèu que çò que se pensava abans, en environaments similars au sòu o aus tapís microbian qu’avem enqüèra uei”, çò ditz Ocaña.
La vision tradicionau de la Tèrra primitiva descriu ua planeta desèrta dinc a que las plantas apareishón hè, haut o baish, 500 milions d’annadas. Aqueth estudi contèsta aquera idèa. Las pròvas navèras suggereishen que los camparòus qu’èran dejà estats actius despuish centenas de milions d’annadas, en interagir dab fòrmas de vita primitivas e en transformant lo paisatge. E joguèn un ròtle clau entà har de la Tèrra un lòc mei ospitalièr entà la vita.
La Redaccion
Aquest article suu Ràdio País: https://www.radiopais.fr/episode/534
Fotografia principau: Bernard Spragg/CC
