Lo Cràter del Ngorongoro es considerada una de las caudièras volcanicas mai grandas de la planeta, dins la zòna de conservacion de Ngorongoro, en Tanzania. Es un dels luòcs mai polits del continent african e un dels paucs ont podèm trobar encara los cinc gigant africans.
La zòna de conservacion de Ngorongoro es un airal protegit situat dins la region volcanica de Tanzania. A una estenduda totala de 8.288 km². Lo luòc recep milions de toristas cada an per poder veire una de las zònas mai sauvatjas del continent, en tot esser situat a 180 km a l’oèst de la vila d’Arusha.
Lo Cràter de Ngorongoro es sens segur la zòna mai visitada de tota l’airal de conservacion, e ont podèm trobar un espaci natural dins un estat pur, e veire un grand nombre d’animals al sieu abitat e gaudir de l’estanh localizat al centre de la caudièra.
Lo Cràter es pas l’unic que podèm trobar dins l’airal de conservacion, car i podèm trapar ailà un total de nòu volcans, que 8 son pas actius, e lo volcan Oldoinyo Lengai es l’unic qu’encara demòra actiu uèi lo jorn.
Luòc de naissença de l’espècia umana
Dins l’Airal de Conservacion de Ngorongoro i a dos luòcs de grand interès toristic de de Tanzania, s’agís de l’estonant Cratèr de Ngorongoro e la Gòrja d’Olduvai, un dels luòcs del mond mai important per la recerca sus l’evolucion de l’espècia umana.
La zòna de Ngorongoro aperteniá abans al Pargue Nacional de Serengueti, que se’n desseparèt l’an 1959, en tot venir dins una zòna de conservacion per l’abitat e los animals de Tanzania e lo continent african. 
Puèi, en l’an 1979 tot l’airal de Ngorongoro foguèt declarat Patrimòni de l’Umanitat per l’Unesco, e lo 31 de julhet de l’an 2010 la zòna de proteccion s’estendèt per i comprene divèrses vestigis arqueologics que i a tanben en Ngorongoro.
La zòna arqueologica de Ngorongoro es una de las mai importantas de tota la planeta, per l’estudi de l’espècia umana per ansin, en aqueste airal podèm veire pesadas e rèstas d’Homo habilis classificats coma patrimòni mixte, natural e cultural.
Tanplan dins lo Cràter del Ngorongoro, s’i pòdon veire los 5 gigants africans, çò es lo leon, lo leopard , lo rinocèros negre , l’elefant e lo bufle cafre. Lo Cràter del Ngorongoro es la zòna delimitada de mendre estenduda ont i poder trapar aquels cinc gigants de la fauna africana, e son tanben segon los las anticas guidas de safari los cinc animals pus malaisits de caçar se òm marcha a pè. Uèi las guidas toristicas encara ne fan la quita referéncia.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
