Lo Bòsc de bambó d’Arashiyama, situat en Kyoto, al Japon, es un dels bòsques mai famoses d’aquela nacion car s’agís d’un luòcs mai bèls e visitats pels toristas. Pr’amor d’aquò a divèrses camins per ont passejar. Lo bòsc es format, mai que mai, per de bambó Moso (Phyllostachys edulis).
Tanben es conegut pels noms de Forèst de Bambó de Sagano e Forèst de Bambó. Lo ministèri environamental del Japon considèra aquel luòc coma una de las zònas mai bèlas de Japon. Lo bòsc de bambó es pròche a d’autras zònas tanben fòrça famosas, coma lo santuari Nonomia o lo temple Tenryū-ji lo, a l’ora d’ara luòc de l’escòla Rinzai, una de las tres escòlas bodistas que i a en Japon.
Fins a 2015 per poder passejar pels camins del bòsc de bambó d’Arashiyama caliá pagar una dintrada mas puèi calguèt pas pus pagar dintrada e uèi se pòt passejar dins lo bòsc d’un biais liure.
Arashiyama (嵐山) es un districte situat a l’oèst de Kyoto, e lo bòsc es plan pròche d’aquela vila. A mai, es considerat un luòc istoric de granda beutat. Coma principals luòcs toristics d’Arashiyama cal parlar del bòsc de bambó, lo pargue de monards d’Iwatayama, lo Pònt que Crosa la Luna, lo temple Tenryū-ji, lo santuari Matsunoo-taisha, e Kameyama koen, la pèira que commemòra la visita de Zhou Enlai , a mai dels cirerièrs que crèan un espectacle plan polit en l’epòca que florisson e que los agradan tant als japoneses.
Dins lo districte d’Arashiyama se pòt trobar tanben lo riu Ōe e la montanha coneguda tanben pel nom d’Arashiyama, en la frontièra del districte e tanplan coneguda coma la montanha dels desirs segon una anciana legenda. La legenda japonesa explica que, se òm pòt arribar en naut de la montanha d’Arashiyama pendent lo ser del quatren jorn de luna plena de l’an, los dieus pòdon concedir un desir. Pr’aquò la montanha es coneguda tanben coma la montanha dels desirs.
Un bambó de creissença rapida
Per arribar a Arashiyama e visitar lo bòsc de bambó cal prene lo tren electric Keifuku en Kyoto o dempuèi Katsura, que cal prene la linha nomenada Hankyu Arashiyama, qu’a tanben connexions dempuèi Osaka.
Lo bòsc de bambú d’Arashiyama es format principalament per de bambó Moso, una espècia temperada de bambó de fusta giganta, originala de Taiwan e China.
Lo bambó Moso o Laparte edulis recep lo nom en latin pr’amor que tanben pòt èsser manjat. Es un tipe de bambó que pòt arribar a mai de 28 mètres de nautor. La siá reproduccion es sexuala mas tanben asexuala. La forma mai comuna de se reproduire, pasmens, es de manièra asexuala, car la planta lança de rizòmas que creisson d’una manièra fòrça rapida, en arribant a créisser coma la planta maire.
Los especimèns adultes creisson mai naut e an un diàmetre mai ample quand la planta es mai vielha. Totun, qu’arribarà un moment que creisserà pas pus. Lo bambó Moso florís d’aperaquí cada mièg sègle, mas la siá natura de floracion es esporadica, una caracteristica pròpria singulara.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
