Las illas Raja Ampat son una archipèla indonesiana formada per quatre illas principalas a mai de 1.500 illas pus pichonas. Las principalas illas son Misool, Salawato, Batanta e Waigeo. La darrièra aperten ja a la província de Papua Occidentala. En mai cal soslinhar las illas de Kofiau e Gag al nòrd-oèst de Nòva Guinèa ont i a las illas de Rapa Amjat e ont tanben i a lo màger pargue marin de tota Indonèsia.
L’illa de Waigeo es la pus granda de tota l’archipèla e a una supercícia d’aperaquí 3.155 quilomètres cairats. La capitala de l’illa e de tota l’archipèla es la vila de Waisai. L?illa es la pus pròcha a Sorong, luòc de de dintrada a las illas Raja Ampat dempuèi l’Ocean Pacific.
Çò de pus polit de l’illa de Waigeo es a l’interior e pas a la còsta. Ailà òm pòt trapar de junglas estonantas plan desconegudas encara uèi lo jorn, ostal de plusors espècias de tartarugas e de lausèrts gigants o encara d’aucèls del paradís coma lo Carmesi, autoctòn d’aquela illa. Tanben pòt òm espepissar sovent d’agaças indonesianas e tanplan los polits Melifagides.
Una diversitat estonanta
L’illa de Misool es la segonda màger de l’archipèla e dins l’aiga que i a al torn de l’illa i a una delas pus nautas diversitats marinas de tot l’ocean Pacific. Val pas dire qu’es un tresaur sosmarin. Misool es tanben una illa plan susprenenta a la siá superfícia.
L’illa de Misool a fòrça mangròvas e de jungla e l’environament natural de l’illa es tras que singular. Al torn de l’illa i a de ròcas de calç que naisson en mièg de l’aiga e tanben i a de caunas amb de petroglifes qu’an mai de 5.000 annadas.
L’illa de Salawati, per contra, es la tresena illa mai granda de l’archipèla a una superfícia de 1.623 km². Soqnue s’i pòt arribar a mb vaissèl mas pendent lo viatge òm pòt plan gausir d’un sens nombre d’illas pas abitadas plan polidas que i al camin.
Val pas dire qu’es una illa estonanta e que cal la visitar. I a un sens nombre de tresaurs marins : de vaissèls enfonsats de la segonda guèrra mondiala. De remembrar qu’aquela illa es un dels paucs luòs causits de contunh pels cercaires a l’ora d’assajar de descobrir nòvas espècias animalas pr’mor qu’es una illa brica explorada.
D’un autre latz, l’illa de Batanta es la mendre illa d’aquelas e a una superfícia totala de sonque 453 km². Es una illa desseparada per l’estrech de Dampier de Waigeo e la sieuna geografia rocosa es plan importanta.
Batanta es un luòc perfièch per espepissar d’espècias d’aucèls unicas a la region pr’amor qu’es una illa plan pichona e tanben pr’amor d’aquò es la mens visitada de totas aquelas illas çò que la convertís en un airal de natura vièrge plan polid pels estrangièrs.
Lo pargue nacional marin del Gòlf de Cenderawasih
Lo pargue e las illas Raja Ampat fan 46.000 amb las illas e la mar. Es un paradís desconegut e es dins lo nomentat Triangle del Coralh.
Raja Ampat a un dels nivèls pus nauts de biodiversitat marina de tota la planeta mai que mai dins l’airal protegit del pargue nacional. Ailà i demòran fins a 505 espècias desparièras de coralh e fins a 1.300 espècias de peissum. Dins l’aiga lo cercaire australian Gerald R. Allen poguèt veire 283 espècias de peissum sonque pendent lo meteis còp. Aquel es lo recòrd de mai espècias jamai espepissadas pendent un còp en l’aiga de l’odean de la Tèrra.
Dins aqueles 46.000 km² d’aigas protegidas del pargue nacional marin del Gòlf de Cenderawasih, i a d’espècias coma de regas, de tartarugas marinas, de làmias o encara de dugongs (serenas). Lo pargue foguèt lo primièr de tot Indonèsia a l’ora de protegir de raias e de làmias.
Raja Ampat son un dels melhors luòcs de la planeta se òm vòl far de sosmarinisme e cal pas èsser un expèrt per poder gausir d’aquela estonanta diversitat marina. Lo coralh que i al fonz es d’una granda diversitat e benlèu s’i pòt arribar a espepissar de dugongs – mièg elefant mièg cetacèu -, de raias gigantas o encara d’autres animals coma de pofres, de cranc orangotans e un sens nombre de peisses desparièrs.
Tanben cal visitar de maines coma los de Friwen e Yenbeser, e estudiar la cultura tradicionala dels indigènas de las illas. Lor caractèr entraïna far d’amics lèu lèu. Raja Ampat vòl dire Quatre Reis segon la mitologia locala. La legenda parla d’una femna que trapèt set uòus e quatre balhèron quatre reis que son las quatre illas principalas.
La melhor sason per visitar aquelas illas es entre lo smeses d’octubre e abril pr’amor dun melhor clima – es quand plò mens – e tanben pr’amor qu’es l’epòca que’òm pòt espepissar d’un biais mai aisit de’animlas marins coma las raias gigantas. En mai d’aquò, pendent los meses de julhèt e setembre i a fòrts vents e d’oracles e benlèu es un marrit moment per visitar aquel paradís natural d’illas indonesianas.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
Aqueste article es tanben publicat dins Naturaleza Salvaje, un numeric de geografia e l’environament, que Sapiéncia n’a un acòrdi de cooperacion
