Dormir un pauc pendent lo jorn arrèsta pas poder dormir plan durant la nuèch segon un nòu estudi justament publicat aqueste estiu. Segon aquò, dormir un cèrt temps pendent lo jorn seriá provocat per de problèmas cognitius causats per una manca d’un bon sòmi pendent la nuèch abans. E doncas dormir un pauc, pas gaire, pendent lo jornada, ajudariá e plan a solucionar aquela fauta biologica umana.
Al nòu estudi de cercaires de l’Universitat de Pittsburgh estudièron se podiá ajudar als umans dormir un pauc pendent lo jorn (entre 30 e 60 minutas) e la resulta foguèt positiva. E mai encara se la persona aviá patit a l’ora de dormir plan abans pendent la nuèch. E aquò arrestariá pas poder dormir plan pendent la nuèch puèi mas ajudariá a aquò far.
Un procés necessari
“Es un procés necessari pels umans, çò diguèt Kimberly Fenn, autor d’aquel estudi. Se una persona dormís pas plan pendent la nuèch l’èsser uman a de besonh poder dormir plan un pauc e doncas alara es quand ven dormir pendent lo jorn. E mai encara se la persona patís una fauta grèu de sòmi.”
“Es un sòmi flac, çò diguèron los cercaires, car cal se relaxar pendent un temps pr’amor que lo cervèl a de besonh poder aquò far”. Per estudiar aquel procés biologic de la vida vidanta dels umans, los scientifics analizèron un periòde de temps de 275 personas e lor tipe de sòmi e cossí podiá los ajudar dormir pendent lo jorn.
Las personas estudiadas foguèron desseparadas en tres grops. Lo primièr foguèt enviat a l’ostal per poder melhor dormir. Lo segond poguèt dormir un pauc al laboratòri e lo tresen grop dormiguèt pas. L’endeman los que dormiguèron pas poguèron pas far plan çò demandat –d’exercicis repetitius d’atencion –mas los autres òc. “Sonque dormir 10 minutas pendent lo jorn ajudèt e aquò pòt voler dire la diferéncia entre sauvar una vida o pas”. L’estudi foguèt publicat al jornal Sleep.
La Redaccion
