La nubla mammatus qu’ei coneishuda tanben dab lo nom de nubla mastodontica o, un eveniment meteorologic, qu’apièla ua quantitat grana de massa ennublada a la soa basa, qui, au son torn, crea un cumulonimbus, son generaument gris dab tons blus, maugrat que tanben son estadas observadas de nublas mammatus rojosas dab tons daurats.
Los mammatus ne son pas nublas en eths medishs, mes aqueth nom qu’ei balhat a las protuberàncias en fòrma de peitrina qui apareishen a la basa de las nublas, que pòden estar formadas per divèrs cas, taus com ; cirrus, cirrocumulus, altocumulus, altostratus, los mei frequents estant los qui se forman dens los cumulonimbus. La durada d’aqueth fenomèn naturau que pòt durar quauquas minutas o quitament òras.
Las mammatus n’apareishen pas qu’on i a fenomèns d’oclusion, donc la nubla d’auratge ei isolada en hautor, shens corrents ascendents o descendents importants, aqueth fenomèn qu’empacha la caduda de gotas d’aiga per l’aire hèra sec e caud qui monta leugèrament dinc a certana hautor, qui empacha la ploja de’s formar.
Luenh, luenh de l’auratge
Aqueth fenomèn que pòt a còps provocar ua ploja plan febla qui atenh pas la susfàcia terrèstra, lo mammatus cumulonimbus se poden trobar a mei de 35 quilomètres d’un auratge. Entà la soa formacion, l’atmosfèra que’u deu acompanhar d’ua umiditat mejana o hauta, e en devath qu’i deu aver ua jaça plan seca dab febles corrents ascendents, çò que faiçona la fòrma tipica de la popa. La nubla de mamot que’s forma generaument per temps caud, e qu’ei corrent de’us véder pendent l’aparicion de las tornadas, un còp èra que’s pensava que las mammatus èran los qui provocavan las dits tornadas, mes qu’ei l’invèrse, puishque son sosproduits possibles deu lor.
Qu’ei tot a fèit normau que los auratges qui produsescan aqueth fenomèn que poscan egaument produsir de fòrts corrents ascendents o deus auratges electrics, los pilòtes d’avion que dévian donc evitar de’us traversar, entà non pas méter lo vaishèth en dangèr. Las nublas mamots que son aqueth genre de fenomèn naturau qui deisharà pas arrés qui l’obsèrva indiferent, en particular los amators o professionaus dens la meteorologia, qui mancaràn pas l’escadença de’s poder recrear abans aqueth eveniment atmosferic unic.
Un article d’Andrés López*
*Dempuèi uèi trobarètz una pichona biografia dels redactors de Sapiéncia en la seccion Qui sèm.
