Dins los actes programats per commemorar lo centenari de la mòrt de Jusèp Condò Sembeat, l’escrivan mai important de la Val d’Aran, se celebrèt lo 12 de novembre d’ongan dins l’estonant encastre de la bastissa del Centre Excursionista de Catalonha a Barcelona, una interessanta conferéncia condusida per Jèp de Montoya, sus la vida e òbra d’aquel grand escrivan en aranés.
La conferéncia de Jèp de Montoya mostrèt lo grand enracinament de Jusèp Condò amb la cultura, la lenga e l’identitat a l’Aran, malgrat qu’escriguèt tanben d’òbras en lenga catalana e castelhana. Aquela identificacion amb lo país, foguèt basica en la divèrsa òbra de Jusèp Condò, qu’utilizèt tota mena de genres en sa produccion, coma sustot la poesia, mas tanben la narrativa o l’assag de tematica religiosa, entre d’autres. 
Un CD per l’onorar
Puèi, e amb la collaboracion de l’associacion en defensa de la cultura aranesa Es Paums, foguèt confirmada la produccion d’un CD per la meteissa associacion, ont foguèron versionats tres poèmas de Jusèp Condò Sembeat e un autre poèma amb letra de Jèp de Montoya e musica de Jaume Masana, d’Es Paums e amb l’interpretacion de la corala aranesa Es Paoesses.
L’acte finalizèt amb l’interpretacion de doas cançons per part de Jaume Masana, acompanhat a la guitarra per David Solà. Una de las cançons foguèt l’Imne Occitan, “Se canta”, amb la cinquantena d’assistents levats coma aumenatge.
Francesc Sangar
