Home DIVÈRSES CÓRRER REDUSÍS LO RISC DE MÒRT
CÓRRER REDUSÍS LO RISC DE MÒRT
0

CÓRRER REDUSÍS LO RISC DE MÒRT

0

Foguèt confirmat scientificament. Maugrat que totes aviam ja lo vejaire que córrer va plan per la santat (benlèu pr’amor qu’aquò es tornar a far çò qu’avèm fach pendent pus de 200.000 annadas o mai), foguèt demostrat scientificament que córrer amb de moderacion es una activitat plan recomandabla pr’amor que redusís plan lo risc de mòrt quinsevolha que ne siá la causa.

Lo problèma es que i a determinadas personas que pensan que son pas premanidas per o far. Totun, quand parlam de córrer o encara far de running cal pas pensar qu’es necessàri se premanir per un jorn poder participar en de corsas popularas. Cal pas aquò far. Çò d’important seriá solament aver la costuma de córrer un pauc amb de pichonètas tòcas. Aquò ajudariá plan poder córrer aital durant de temps. Apuèi, un còp avèm la costuma, cal saber qu’aver lo vam de voler sortir a córrer solament un pauc ja seriá pro per la nòstra santat, pas mai. E aquò fach regularament.

Ongan un nòu estudi scientific confirmèt que çò d’important es córrer (pas gaire, pas tròp). E aquò es ansin car córrer redusís totjorn lo risc de mòrt, un fach qu’abans èra pas conegut o demostrat scientificament. Dich d’una autra manièra; córrer ajudarà viure pus de temps.

Córrer es un exercici recomandat uèi lo jorn per fòrça doctors. Va plan per la santat umana per diferentas causas e a mai del còrs atanben va plan pel nòstre cervèl. Ara, a mai d’aquò, poguèt èsser demostrat que retarda l’envielhiment.

La còla de cercaires que trabalhèt en lo nòu estudi, de las universitats australianas de Melbourne e Sidney, analizèron de donadas d’autres 14 estudis anteriors sus aquel exercici e ont i avián participat pus de 230.000 personas. Lo periòde d’estudi foguèt tre 5 e 35 annadas e pendent aquel moriguèron 26.000 d’aquelas personas.

De resultas importantas

La tòca èra l’influéncia que i podiá aver tre córrer e lo risc de mòrt e la resulta foguèt publicada al numeric Bristish Journal of Sport Medicine : las personas que corrián (sens importar lo temps) avián un 27% mens d’escasenças de morir per quinsevolha causa. E se passa çò de meteis en d’òmes qu’en de femnas.

A mai , córrer redusís lo risc de mòrt per càncer fins a un 23% e fins a un 30% la mòrt per malautiá cardiovasculara. E tot aquò en de personas que corron un solet còp a la setmana o encara que fan mens de 50 minutas la setmana. Ja o sabètz !

La Redaccion

Christian Andreu Nasquèt a Barcelona en 1972, estudièt jornalisme a l’Universitat Autonòma de Barcelona e son especialitat es la politica internacionala. Parla uech lengas dont l'occitan. A publicat lo libre Art i Lletres a Horta-Guinardó e a collaborat totjorn amb de jornals catalans, bascos e occitans coma La Veu del carrer, El Punt, Egin, A vòste e Jornalet. Es maridat, a dos enfants, Jana e Roger, e demòra a Reus.