PRÈSTS PER L’ESPACI
Totes los que disián que la companhia espaciala d’Egon Musk, SpaceX fariá pas res a l’espaci, veson ara que çò que disián èra pas vertat. Una nau espaciala d’SpaceX subrepassèt la darrièra espròva finala abans de poder menar d’astronautas a l’Estacion Espaciala Internacionala (EEI) ongan mateis. La nau foguèt lançada e puèi destrusida per demostrar que los astronautas ne pòdon sortir amb vida se i aguèsse un accident. L’espròva se passèt lo genièr passat e entraïnarà lèu lo transpòrt d’astronautas vèrs aquela estacion espaciala.
Fins ara lo transpòrt d’astronautas a aquela estacion se fasiá amb de naus Soyuz russes aprés la fin del programa d’aquel tipe de naus espacialas en Estats Units, l’an 2011. Un còp despassat aquel ensag lo govèrn estatsunitenc vòl que siá l’entrepresa espaciala SpaceX la protagonista per i menar d’astronautas estatsunitencs e finir ansin l’arrendament de naus russas Soyuz d’o far.
A SpaceX èran totes encantats pr’amor que l’espròva foguèt una capitada. La nau espaciala FALCON 9 sortiguèt de Cap Canaveral, en Florida, la serada del 19 de genièr passat amb dos ninòts. Puèi foguèt destrusida durant lo vòl la nau e los ninòts tombèron amb de paracadudas sus l’ocean. Los ninòts èran dins un capsula espaciala que se desseparèt a temps e que pùei caiguèt sus l’Ocean Atlantic.
Aquela espròva deviá èsser facha pendent l’estiu de 2019 mas l’espetament d’una capsula d’SpaceX durant lo mes d’abril de l’an passat arrestèt lo lançament de la nau espaciala fins genièr de 2020. Los motors de la nau Falcon 9 defalhiguèron de manièra contrarotlada sonque doas minutas aprés lo lançament de la nau per simular un grèu accident espacial que, totun, finiguèt plan maugrat que los motors Super Daco de la nau entraïnavan de velocitats estonantas a mai de 2 400 K/h. Apuèi entrèron en foncionament de paracadudas per arrestar la caduda de la capsula espaciala desseparada que tombèt plan a 32 quilomètres de la còsta de Florida.
L’administrator actual de la NASA, Jim bBridenstine, volguèt far de compliments a l’agéncia espaciala SpaceX per aquela espròva en tot confirmar que des d’ara seriá aquesta companhia d’Egon Musk que menariá d’astronautas estatsunitencs a l’EEI.
Una espròva critica
“Èra una espròva critica qu’ara fa pensar plan que seràn tornarmai, de naus espacialas estatsunitencas (pr’amor qu’SpaceX es una entrepresa privada d’aquel país) que menaràn d’astronautas estatsunitencs fins l’EEI e los vòls seràn un autre còp estatsunitencs”.
Segon confirmèt SpaceX durant 2020 una autra nau espaciala d’aquesta companhia, la Crew Dragon, ja menarà d’umans a l’Estacion Espaciala Internacionala. Aquò serà possible mercès a la donacion de mai de 2,5 miliards de dolars qu’SpaceX recebèt del govèrn d’Estats Units en 2014 per poder desvolopar aquesta nau.
D’efièch d’argent foguèt donat per desvolopar de sistèmas de capsulas espacialas amb d’umans fins que poguèssen arribar a l’EEI. Un fach necessari pr’amor que la NASA finiguèt, forçadament, son programa de naus espacialas per menar d’astronautas a l’EEI en 2011. Dempuèi alara la NASA deguèt utilizar de naus espacialas russas per far arribar d’astronautas estatsunitencs a l’espaci. Un fach que des d’aquela espròva se passarà pas pus.
La Redacccion
