Una còla de scientifcs de l’Universitat d’Austràlia del Sud e tanben de l’Universitat de Tèxas Tech estudièt què pòt entrainar per la dièta e santat umanas manjar plan de cacauèts salats fregits. La resulta es qu’es una noiridura qu’entraïna brica grossir, cossí es abitual de pensar. En mai d’aquò, redusison e plan la pression de la sang.
Los cercaires balhèron fins a 35 gramas de cacauèts salats fregits a un grop de volontaris dos còps abans de manjar de biais jornalièr. E n’estudièron qué se debanava. “Caliá estudiar aquesta noiridura pr’amor qu’als Estats Units mai del 74% dels joves de 20 ans patisson d’obesitat, çò diguèt Kristian Petersen, de l’Universitat de Tèxas Tech. En Austràlia, lo 67% dels adultes patisson d’obesitat e sonque entre las annadas 2014 e 018 i aguèt una creissença d’aquelas chifras de mai del 63,4%”.
Una reduccion de la diabètes 2
Cossí totes sabèm l’obesitat provòca una creissença del risc a l’ora de patir diabètes del tipe 2 a mai de divèrsas malautiás cardiovascularas. Fins ara òm aviá dich totjorn que manjar de cacauèts entraïnava grossir, mas l’estudi demostrèt qu’aquò èra pas aital pr’amor que manjar de cacauèts sovent entraïna patir pas aquela sòrta de malautiás. En mai d’aquò, los cacauèts provòcan una mendre inquietud e redusís çò que manjaram aprés.
“Los cacauèts redusison plan la fam e lo desir de manjar, çò confirmèron los cercaires. Totun, balhan fòrça d’energia e son plan bons per la dièta umana. E aquò malgrat la cresença generala que provòcan grossir mai. Mas caliá confirmar qu’ajudan a redusir lo pes e que son idèals per la santat”.
Per ansin, los adultes que mangèron de cacauèts de biais jornalièr dos còps al jorn grossiguèron pas pus per rapòrt a un autre grop de personas que manjèt pas de cacauèts pendent un periòde de sièis meses.
Mai encara, lo grop de volontaris que manjèt de cacauèts aviá patit una perda de pes d’aperaquí 7 Kg de mejana. Los que mangèron pas de cacauèts sonque perdèron 6 quilogramas. E aquò que los cacauèts balhavan fins a 400 calorias de mai. (70 gr de cacauèts jornalièrs). Los que mangèron de cacauèts avián una pression de sang plan mendre (5 mmHg mens de pression a la sang de mejana). Aquò entraïna fins a un 10% mens de risc a l’ora de patir de malautiás cardiovascularas. E ambedós grops aguèron un melhor contraròtle de glucòsa e d’insulina aprés l’estudi.
“Son una bona fònt de sòdi, çò apondèt Petersen. E an un naut nivèl d’arginina, un aminoacid qu’ajuda a dilatar las venas e doncas a redusir plan la pression de la sang. En mai d’aquò los manjar entraïna pas grossir e donan de magnèsi, un mineral qu’ajuda plan a regular la pression de la sang”. L’estudi foguèt publicta al numeric Nutrients.
La Redaccion
