Un nòu estudi demòstra que los fosfats son de minerals que pòdon èsser creats pr’amor de cèrts evenements naturals, coma de pericles o d’impactes gigantasses. De cercaires de l’Universitat de Florida del Sud an mòstrat aquò mateis après un pericle que i aguèt a New Pòrt Richey, a Florida.
Un fenomèn violent
“Quand un pericle cai sus un arbre, tot lo tèrra que i al sieu torn demòra brutlat e tota l’èrba que i a prèp tanben morís pr’amor de la nauta descarga electrica del pericle. Puèi se forman de fulguritas, tanben nomenadas de ròcas fossilizadas, çò diguèt Matthew pasek, que dirigiguèt l’estudi ».
En l’estudi los cercaires analizèron una fulgurita trobada a New Pòrt Richey, a Florida, pr’amor qu’en environaments umids, lo fèrre s’amolona sovent e tanben pòt venir trapat dins los arbres. Lo cas es que lo pericle brutlèt lo fèrre e tanben lo carbòni que i i aviá dins l’arbre. E la resulta foguèt estonanta.
La reaccion quimia creèt una fulgurita plan especiala. Dins i trapèron un material jamai trapat abans. “Avèm pas jamai vist aquel material se produire naturalament sus la Tèrra, son de minerals que pòdon èsser trobats dins los meteòrs en l’espaci, mas avèm pas jamai vist aquel material enlòc de la superfícia de la planeta”, çò apondèt Pasek.
Puèi los cercaires assagèron de crear tornarmai aquel material dins un laboratòri, mas lo fosfat sonque se forma dins de condicions precisas e es plan dificil lo recrear. Ja i avián de cercaires qu’avián afirmat que la creacion de fosfats èra un fenomèn plan espandit a la planeta, çò apondèt Tian Feng, que participèt en l’estudi. Tanben poirián èsser creadas pr’amor de fenomèns coma de pericles encara d’autres minerals qu’aurián pogut èsser clau al desvolopament de la vida sus la Tèrra de biais natural ». L’estudi foguèt publicat al numeric Comunicacions Earth & Environment.
La Redaccion
