Lo vaccin contra lo cancèr e plusors malautiás del còr poiriá arribar en sonque cinc ans. Aital es estat publicat pel celèbre jornal anglés The Guardian en tot soslinhar qu’aquò poiriá sauvar milièrs e milièrs de vidas, e mai encara, milions.
Segon aquela fònt, lo vaccin poiriá arribar de la man de l’entrepresa Moderna, la meteissa que creèt un vaccin contra la COVID-19 en 2021. La data que pensan que se poiriá ja aver lo vaccin es l’an 2030 o benleù abans. Segon Moderna, lo vaccin serà plan eficaç e sauvarà milions de vidas a la planeta tota.
“Podèm aufrir lo vaccin en aperaquí cinc ans, çò diguèt un dels directors d’aquela entrepresa. Pensam que podèm aufrir de vaccins personalizats contra divèrses tipes de càncer”. L’idèia es desvolopar un vaccin contra divèrsas infeccions respiratòrias e seriá un vaccin que sonque cal recèbre un còp e pro.
Aquò ajudariá, totjorn segon aquela entrepesa farmaceutica, a protegir l’umanitat tanben contra divèrsas malautiás coma la COVID, mas tanben contra d’autras malautiás respiratòrias. En mai d’aquò, segon Moderna, l’usatge d’un vaccin amb basa d’ARNm poiriá arribar lèu per luchar melhor contra cèrtas malautiás raras e qu’ara an pas encara cap tractament. La tòca seriá arribar a una nòva epòca scientifica en sonque dètz ans per poder identificar geneticament una malautiá e l’adobar amb una tecnologia de basa d’ARNm”.
Un vaccin amb basa d’ARNm
Lo vaccin amb basa d’ARNm es un tipe de vaccin qu’ensenha las cellulas a produïre mai de proteïnas. Lo vaccin es sintetic, e amb aquel las cellulas pòdon enviar pertot de proteïnas qu’atacaràn lo sistèma immunitàri. Segon los expèrts de Moderna un vaccin aital avisariá lo sistèma immunitàri de la preséncia d’un càncer e balhariá d’òrdres per l’atacar e destrusir.
Malgrat tot aquò, e segon The Guardian, lo procés es plan complèx e doncas, per arribar a aquò, cal primièr realizar una biopsia de la persona e enviar las donadas a un laboratòri. Ailà déu èsser secuenciat geneticament lo material recebut e identificar aquelas mutacions geneticas que son raras. E un algoritme confirmariá quinas son. Puèi cal crear lo vaccin d’ ARNm per luchar contra lo càncer.
Totun, plusors cercaires volguèron avertir qu’ara seriá lo moment per desvolopar aquel tipe de vaccin pr’amor dels tres ans de pandemia mondiala e que, se lo nivèl d’inversion economica ven mendre lèu, lo vaccin poiriá jamai veire la lutz.
La Redaccion
