En Camarga, lo plomb, plan enebit, que contunha de tuar ausèths. Adara, un navèth estudi publicat au numeric internacionau Conservation Science and Practice, que confirma que la mort per intoxicacion de plom deus ausèths aqüatics d’aquera region n’ei pas enqüèra acabat. ” Qu’ei la màger region umida de tot l’estat francés, dit Anthony Olivier, cercaire d’aquera resèrva naturau. Qu’ei visitada per milions d’ausèths de totas las espècias de faiçon annau. E enqüèra ne moreishen hèra pr’amor deu plomb ».
Aqueth plomb qu’arriba de la man de la caça, tanben enebida dens aqueras paluns despuish l’an 2006. Totun, quasi 20 annadas après, un estudi scientific que confirmava que la mort per intoxicacion pr’amor deu plom deus ausèths d’aiga n’èra pas enqüèra arrestat. Los autors de l’estudi, Arnaud Béchet e Anthony Olivier, cercaires de la Tor de Varat que culhín cartochas de fusilh de caçaire a las rotas municipaus de la region despuish l’an 2008 e dinc a 2009. 80-90 % qu’avèvan plomb. A la fin d’aqueth periòde enqüèra n’i avèva un 50%.
D’un aute costat, enter 1998 e 2017 dinc a 2.200 auserons mei e 13 espècias diferentas d’ausèth aqüatic d’aquera region qu’avèvan tanben plomb, segon un aute estudi. « La mejana de plomb dens aqueras espècias qu’èra d’un 12%, çò digón los cercaires d’aqueth estudi ».
Un de cada uech
Aquò, segon los scientifics, volèva díser qu’un de cada uech ausèths de Camarga qu’avèvan plomb au son cors. Un de cada quate si’s parlava deus guits. ” Los guits, dit Arnaud Béchet, “que minjan las bòlas petitas de plomb de las cartochas de fusilh, pr’amor que pensan que son petitas pèiras, usadas entà trissar la neuritud a l’estomac. E que n’i a hèra que moreishen e puish son devorats per ausèths carronhaires. Qué tanben moreishen. E aquò qu’arriba a tots los animaus e tanben aus umans ».
Atau, aqueth plomb, que poiré arribar a 13 milions d’occitans. De soviéner que la caça dab cartochas de plomb estó enebida en l’Union Europèa dejà en 2006 a mensh de 30 mètres deus paluns. Despuish 2023 ne’s pòt pas caçar atau a mensh de 100 mètres de paluns. Mes lo plomb de las cartochas contunha acerà.
Los caçaires qu’avisan que la caça dab cartochas que son pas de plomb n’ei pas autan perfèita. E las cartochas tanben que son hòrt mei caras. Adara, la Comission Europèa que deuré « arrestar la comercializacion de plomb en la caça e la pesca. Pr’amor que, se que non « quasi 900.000 tonas de plomb demoraràn en l’environament pendent los pròplèus 20 ans e poirén morir pr’açò dinc a 135 milions d’ausèths ».
Pr’amor que lo plomb demora hèra annadas en l’environament. Segon mei d’un estudi, i pòt demorar hòrt mei de divèrsas decadas. Totun, un enebiment totau deu plomb a tots los nivèus, que disen los cercaires de la Tor de Varat, qu’ajudaré e plan a seguir la lei e sauvar la vita d’animaus e tanben d’umans ».
La Redaccion
Aquesta cronica suu Ràdio País : https://soundcloud.com/radio-pais/natura-lo-plom-en-camarga?in=radio-pais/sets/natura
Fotografia principala: Izaszas/CC.
