Tot sembla confirmar que lo compòst serà obligatòri en Occitània tota e la rèsta de l’estat francés dempuèi lo premièr de genièr de 2024. Aquò arriba aprés se conéisser que fins a un tresen de tot çò qu’es pas usat pels occitans e franceses poiriá èsser utilizat coma compòst o biogas. E aquò es plan. E pr’amor d’aquò lo govèrn francés adoptèt aquesta nòva lei.
Segon aquò, la lei obligarà las collectivitats a prepausar de solucions sus cossí causir los degalhs per ne produsir biodegalhs. Car una recenta enquesta confirmèt que sonque un 34% dels abitants de l’estat francés lençava los biodegalhs al compòst. Es la causa principala de la nòva lei d’economia circulara que vòl una melhor causida dels degalhs (aliments o verdura) pèr ne far compòst.
Obligatòri per las entrepresas
Las entrepresas que produsison de biais annadièr mai de cinc tònas de biodegalhs tanben deurán causir los meteisses. Fins a 100 milions d’euròs son encara blocats dempuèi fa doas annadas. Son per ajudar las collectivitats per se premanir per aquel cambiament. Las prepaustas pòdon arribar a travèrs d’una melhor causida dels biodegalhs per ne far de biogas, per exemple. O tanben per melhorar la gestion de proximitat.
Mai d’un tresen dels degalhs dels ciutadans son pas causits per ne far compòst. Son entre 70 e 80 quuilogramas de degalhs d’aliments o de verdura que poirián plan èsser usats coma biogas per cambiar l’usatge de ressorças fossilas o per fertilizar lo sòl.
Plusors collectivitats ja an prepausat comprar çò que produsison a nivèl particular los compostaires que causison melhor que los autres. Per contra, la lei tanben afirma que, se òm descobrís que i a aguèt pas de causida i aurà una sancion economica de fins a 35 euros dempuèi lo 1r de genièr de 2024.
La Redaccion
