L’IA PÒT JA DIRIGIR UN AVION DE CAÇA SENS PILOT
Es estat confirmat qu’una IA o Intelligéncia Artificiala poguèt dirigir un avion de caça sens cap pilot. Per ansin, comencèt una nòva edat dins la guèrra modèrna, ont de centenars d’avions de combat seràn enviats contra l’enemic sens de pilots, e aquò liberarà l’òme de morir en de missions criticas.
La notícia es sonque la resulta de la recerca militara sus d’avions dirigits sens de pilots, un prètzfach que ja semblava logic aprés la creacion dels dròns, ja usats per divèrses païses en l’accion militara. La capitada foguèt comunicada per l’Armada de l’Aire dels Estats Units, que confirmèt lo vòl d’un avion de caça dirigit al 100% per una IA e sens cap pilot. L’IA, a mai pòt aprendre e melhorar lo vòl amb l’experiéncia, çò que foguèt qualificat per l’Armada de l’Aire estatsunitenca coma un grand progrés.
L’avion de combat utilizat foguèt un Kratos XQ-58A Valkyrie, una sòrta de dròn experimental que volèt fins a 3 oras pendent la fin del mes de julhèt d’ongan. Lo dròn foguèt dirigit en tot moment per una IA de biais automatic.
Segon lo Laboratòri de Recèrca de la Fòrça Aeriana estatsunitenca l’avion de combat sens pilot demostrèt plan que pòt processar l’informacion necessària per aténher una mission, çò que poiriá menar al govèrn a bastir mai avions autonòms. Totun, aquò es la resulta de mai de 2 ans de recerca scientifica.
La Fòrça Aeriana estatsunitenca s’alièt fa dos ans amb Skyborg Vanguard per assajar de crear d’avions de caça sens pilot: per poder far aquela recerca la Fòrça Aeriana demanèt al Congrés estatsunitenc fins a 5.800 milions de dolars.
“Amb aquò podèm ja desvolopar plan d’IA que dirigiràn d’avions de caça sens pilot amb de capacitats aire-aire e aire-superfícia, çò confirmèt lo coronel Tucker Hamilton, de la Fòrça Aeriana d’aquel país”.
D’algoritmes creats en laboratòri
Los algoritmes creats per poder aquò venir possible foguèron creats al laboratòri e assajats amb divèrses vòls experimentals amb d’avions X-62 VISTA, o encara de XQ-58A. Lo nòu avion de caça de combat sens pilot es estat nomentat “Valkyrie” e foguèt dessenhat per far cap de son per l’USAF.
Segon l’Armada Aeriana doncas, l’IA serà dempuèi ara una element critic per la guèrra del futur e cal s’adaptar lèu lèu o se poiràn pas prendre pus decisions militaras. Pasmens, los creadors d’aquel nòu avion de caça tanben afirmèron que lo programa del meteis es encara en fasa de desvolopament çò que entraïna tanben dire que, a l’ora d’ara, aqueles avions volaràn al costat d’avions amb de pilots.
Val pas dire qu’aquesta nòva tecnologia aeriana cambiarà totalament la guèrra aeriana modèrna actuala e que tanben entraïnarà de nòus tipes d’armas per la guèrra del futur.
La Redaccion
